MÂKA 2:19 - Mara Bible RV (BSI)

¹⁹ Zisu ta ama hnohta, “Ahneina kyhchhi a hlaopazy ta myuhneituhpa ama hnohta a y chhôh cha, kâhvileipa ta ama y beih ma? Myuhneituhpa ama hnohta a y chhôh zydua cha, kâhvileipa ta y beih veih ei.

MÂKA 2:19 ပူးပေါင်းရင်းမြစ်များ

ÂTHAONA 29:22

Lâbâ ta kyhchhi tao ta, cha khih liata chyhsa zydua awpakhy ta.

HLAZY 45:14

Kiky zeipa pohzy a bupa ta, Abei lâ a chhipa châ ta, A viasa laihsa kôpazy ta ano cha ama pazi.

HLAZY HLA 6:8

Beinô sycharu nata nôtho sycharie y ei ta, Laihsa kôpa rei tiah lei ama y.

MATHAI 9:15

Zisu ta ama hnohta, “Myuhneituhpa a y thlâh ha nota, ahneina kyhchhi a hlaopazy mâchhie ama sa aw ma? Ama hry tawhta myuhneituhpa lana daihti vaw tlô aw ta, cha tita deikua cha kâhvileipa ta ama y aw.

MÂKA 2:18

Zawhâna pachupazy nata Phârisaihzy cha kâhvileipa ta y ei ta. Chyhsazy a vy ei ta, Zisu hnohta, “Khazia Zawhâna pachupazy nata Phârisaih pachuna a zyhpazy kâhvileipa ta y ei ta, na pachupazy he kâhvileipa ta ama y hra vei?” tah ei ta.

MÂKA 2:20

Myuhneituhpa ama hry tawhta lana nohzy a vaw tlô aw. Cha nohzy liata deikua cha, kâhvileipa ta ama y aw.