MÂKA 2:16 - Mara Bible RV (BSI)

¹⁶ Phârisaihzy hry liata ryhpa pachutuhpa thokhazy ta, Zisu ta chhiekheituhpazy nata moleipazy hnohta pati a dôhpa ama hmô nahta, a pachupazy hnohta, “Khazia chhiekheituhpa nata moleipazy hnohta niedopa ta a y?” tah ei ta.

MÂKA 2:16 ပူးပေါင်းရင်းမြစ်များ

ISAI 65:5

“Â hlapa liata a duah teh, Nâ vaw hnia kha, Nâma hlâta ei pathaih via,” A tah tyhpazy ama châ. Ei hnapasu liata meikhuh châ ei ta, Noh y ta mei a iapa ama châ.

MATHAI 18:17

Âmo chhao cha a nathlie khoh vei khiahta cha, Awnanopa chho mah y. Awnanopa chhao taihta a nathlie khoh vei khiahta cha, ano cha na châta Zenitai nata chhiekheituhpa hawhta pachâ mah y.

MATHAI 5:46

Kyh châ pachâtuhpazy deita kyh nama pachâ khiahta cha, khâpa lymâ nama hmô aw? Chhiekheituhpazy chhao ta cha hawhpa cha tao thlâh ha veih ei ma?

MATHAI 9:11

Phârisaihzy ta cha cha ama hmô nahta, a pachupazy hnohta, “Khazia nama pachutuhpa heta chhiekheituhpazy nata moleipazy pati a dôh lâh thlâh ha ei?” tah ei ta.

MÂKA 2:15

Zisu cha Livai o liata pati a dôh hai nota, chhiekheituhpa hluhpi nata moleipazy chhao, Zisu nata a pachupazy hnohta pati dôh hra ei ta. Chyhsa hluhpi ta Zisu cha ama pazipa a châ.

MÂKA 2:7

“Khazia he chyhsa heta cha hawhta bie a reih? Khazohpa a reipachhie he! Khazohpa dei leipa ta, ahy ma moleinazy a ngiahthai thei?” tahpa ta pachâ ei ta.

LUKA 18:11

Phârisaih cha a duah ta, he hawhta thlah a chhâ: ‘Khazohpa y, mohropazy hawhta avyuhpa, chyhsa doleipa nata apheipa châ leipa na ta, he chhiekheituhpa hawhna chhao heta ei châ leipa vâta alyna bie ei cha hlâ.

LUKA 19:10

Leidiapazy tlua ta pachha awpa ta, Chyhsa Sawchapawpa he â zupa rai a châ,” tah ta.

LUKA 19:7

Cha cha ama hmô nahta, ama zydua ta reipasipasua ei ta, “Chyhsa moleipa o liata tlô awpa ta â ngia huh,” tah ei ta.

LUKA 5:30

Phârisaihzy nata ama ryhpa pachutuhpazy ta a pachupazy hnohta paphôh ei ta, “Kheihtazie ta chhiekheituhpazy nata moleipazy hnohta nie ta a doh thlâh ha tly?” tah ei ta.

HMOTAOPAZY 23:9

Ryureina cha thata a vaw tyhreih ta, Phârisaihzy lâta ryhpa pachutuhpa thokha a duah ei ta, ama leihna bie cha chakhia ei ta, “He chyhsa he khâpa hmah a moleina hmô ma pi. Thlahpa ta tlyma, vâlyuhchâpa tlyma ta bie a chhopa a châ khiah cha, khâpa eima reih thei aw?” tah ei ta.

1 KAWRINI 2:15

Thlahpa chyhsa deikua cha, hmo to pahno pasia ta, ano cha sei thei awpa châ vei.

HEBRAI 12:3

Nama palôh thazei leipa ta, nama tha a chhâ lei nawpa ta, moleipazy ta amâ dyuhna vâta pasa a taopa Zisu thâtih pachâ tyh muh vy.