MÂKA 2:15 - Mara Bible RV (BSI)

¹⁵ Zisu cha Livai o liata pati a dôh hai nota, chhiekheituhpa hluhpi nata moleipazy chhao, Zisu nata a pachupazy hnohta pati dôh hra ei ta. Chyhsa hluhpi ta Zisu cha ama pazipa a châ.

MÂKA 2:15 ပူးပေါင်းရင်းမြစ်များ

MATHAI 5:46

Kyh châ pachâtuhpazy deita kyh nama pachâ khiahta cha, khâpa lymâ nama hmô aw? Chhiekheituhpazy chhao ta cha hawhpa cha tao thlâh ha veih ei ma?

MÂKA 2:14

A sie hai nota, Alphu sawchapawpa Livai cha chhie kheina su liata â tyu thlâh hapa hmô ta, a hnohta, “Na zi teh,” tah ta, thyu ta, zi ha ta.

MÂKA 2:16

Phârisaihzy hry liata ryhpa pachutuhpa thokhazy ta, Zisu ta chhiekheituhpazy nata moleipazy hnohta pati a dôhpa ama hmô nahta, a pachupazy hnohta, “Khazia chhiekheituhpa nata moleipazy hnohta niedopa ta a y?” tah ei ta.

LUKA 15:1

Chhiekheituhpazy nata moleipazy ta a bie thei awpa ta a kiapâh lâ vaw pangai ei ta.

LUKA 6:17

Ama hnohta zu ta, a bypa liata a duah ta. A pachupazy ano lâ a vy ei ta. Zudia râh zydua tawhta nata Zerusale khih tawhta nata tilaipi kiah Tyre nata Sidaw khihzy tawhta chyhsa hluhpi ano lâ a vy ei ta.