MÂKA 2:13 - Mara Bible RV (BSI)

¹³ Tipo ngiahkâ lâ pua heih ta, zawpi zydua a hnohta a vy ei ta, âmo cha pachu ta.

MÂKA 2:13 ပူးပေါင်းရင်းမြစ်များ

MATHAI 13:1

Cha noh lilaw ta Zisu cha o tawhta pua ta, tipo kiah liata a tyuh ta.

MATHAI 9:9

Cha su tawhta Zisu cha sie lymâ ta, chhie kheina su liata atyuhpa chyhsa pakha a moh Mathai ama tahpa hmô ta, a hnohta, “Na zi teh,” tah ta. Thyu ta, zi ha ta.

MÂKA 1:45

Châhrasala cha chyhsa cha pua ta, a pathaih hana kyh cha reih lymâpa ta, thâtih tlao pathâhsa lymâ ta. Chavâta Zisu cha â lâhâhpa ta khihpi liata a ngia thei khao leipa ta, su dâhthlohpazy liata tlao y ta, su to tawhta ano cha ama pangai lymâ.

MÂKA 10:1

Zisu cha, cha su tawhta pua ta, Zawdâh haosâ Zudia râh lâ sie ta. Zawpizy ano lâ a vypakhy heih ei ta. A tao tyhpa hawhta, âmo cha pachu heih ta.

MÂKA 2:2

O a tlôh khao leina taihta chyhsa hluhpi a vypakhy ei ta, ochhi thaby lia taihta yna y leipa ta. Âmo cha bie pachu ta.

MÂKA 4:1

Tipo kiah liata pachu heih ta. Zawpi hluhpi a hnohta a vypakhy ei ta, tipo liata balyh liata kiah ta, a chô liata a tyuh ta, zawpizy deikua cha tipo kiah liata y ei ta.

LUKA 19:48

Châhrasala zawpi zydua ta phahnai khoh ngaitapa ta a bie ama nathlie lymâpa vâta, khâpa hmah tao thei veih ei.

LUKA 21:38

Mydi kari ta chyhsa zydua ano lâ a vy ei ta, Achhyna o liata a bie ama nathlie tyh.