MÂKA 16:9 - Mara Bible RV (BSI)

⁹ Hâta noh hmiatuapa mydi ta a thyuheih nota, a chhôh tawhta ahripa pasari a papuapa Mâri Mâdali hnohta a luah tua chai ta.

MÂKA 16:9 ပူးပေါင်းရင်းမြစ်များ

2 ABEIZY 5:4

Nâmâ cha a zibeipa lâ a kei ngia ta, a hnohta, “Izarei râh tawhta chanô hawtipa khata cha hawhta a tah,” tahpa ta chho ta.

MATHAI 27:56

Ama hry liata Mâri Mâdali, Zâmie nata Zawsi nô Mâri zy a hlao ei ta, Zebâdi sawchapawzy nô chhao â hlao hra.

MÂKA 15:40

Lâhla tawhta a saipa chanôzy chhao y ei ta, chazy hry liata Mâri Mâdali, Zâmie seihnai viapa nata Zôse zy nô Mâri nata Salômi zy amâ hlao hra.

MÂKA 15:47

Mâri Mâdali nata Zôse nô Mâri ta a paziana su cha hmô ei ta.

MÂKA 16:8

Noâh ngaitapa nata achalyuna chôta pua ei ta, thlâ tawhta a râ ei ta, ama chipa vâta, ahy hnohta hmahta khâpa bie hmah reih leipa ei ta.

LUKA 24:10

Mâri Mâdali, Zôanâ, Zâmie nô Mâri nata ama hnohta a ypa chanô hropazy ta a thyuheihna thâtih cha lyuhchâpazy kei chho ei ta.

LUKA 8:2

thlahpa chhiepazy âmo tawhta a papuapa nata pasana a patlâhpazy chhao amâ hlao hra. Âmo cha a chhôh tawhta ahripa pasari a papuapa Mâdali ama bipa Mâri,

ZAWHÂNA 20:12

Vâlyuhchâpa pano poh diehpa a bupa ta, Zisu ri paziana su liata, pakha a luh lâta, pakha a phei lâta amâ tyuh thlâh hapa za hmô ta.

HMOTAOPAZY 20:7

Hâta noh hmiatua chaipa liata, viahchhâ eichheih awpa ta eima y pakhy nota, Pawla cha a mylâ sie â chhuahpa vâta, zâcho taihta ama hnohta bie reih ta.

1 KAWRINI 16:2

Ei vy tita thyuna khei chhyhpa a châ lei nawpa ta, hâta noh hmiatuapa lia maihta, chyhsa to byhnâ nama topa lymâ hawhta thyuna sohpakhypa ta nama pachô lymâ aw.

BIEPHUAH 1:10

Abeipa noh liata Thlahpa ta vaw y na ta, chatawhcha ei hnôhky lâta chiahmie pyu hawhta ao paro ngaitapa thei na ta, ao chata,