MÂKA 16:17 - Mara Bible RV (BSI)

¹⁷ He ngianazy heta ngiapâtuhpazy cha a zi lymâ aw: Ei moh ta ahripazy papua aw ei ta, reih thiehpa ta reih aw ei ta,

MÂKA 16:17 ပူးပေါင်းရင်းမြစ်များ

MÂKA 9:38

Zawhâna ta a hnohta, “Pachutuhpa, chyhsa pakha na moh ta ahripa a papuapa hmô pi ta, miah a pazi leipa vâta eima pakhâ haw,” tah ta.

LUKA 10:17

Sysari nata panozy cha a ly ngaitapa ta a vaw lie ei ta, “Abeipa, na moh vâta ahripazy eima rei sai ta ama y!” tah ei ta.

ZAWHÂNA 14:12

“Hmeiseihta ta, hmeiseihta ta ei cha chho ei, ahy rai nâ ngiapâpa cha hmo ei taopazy he ano chhao ta a tao aw. Paw lâ ei sie awpa vâta, hezy hlâta hmo rônah viapa chhao a tao aw.

HMOTAOPAZY 10:46

Reih thei leipazy ta bie reih ei ta, Khazohpa ama reithaipa vâta ama noâh ngaita ta. Pity ta,

HMOTAOPAZY 16:18

Cha hawhna chata noh hluhpi tao ta. Pawla cha a palôh châ khao leipa ta, a heih ta, thlahpa hnohna chata, “A chhôh tawhta pua awpa ta, Zisu Krista moh ta bie ei cha pie,” tah ta. Cha dawh lia tlai chata pua ha ta.

HMOTAOPAZY 19:6

Pawla ta ama chô liata a ku a pahnieh nahta, Thlahpa Pathaihpa ama chô liata vaw tlô ta, reih hropazy ta bie reih ei ta, hrohsona biezy phuah ei ta.

HMOTAOPAZY 2:33

Khazohpa ku chachâh lâta palyupalihpa ta y ta, Thlahpa Pathaihpa pie awpa bietai Paw tawhta hmô ta, nama hmôpa nata nama theipa hawhna heta, Thlahpa Pathaihpa hrypa a châ hih.

HMOTAOPAZY 5:16

Zerusale chheipâh khihzy tawhta chyhsazy chhao a vy ei ta, tlâhleipazy nata thlahpa puapa ta a pasasapazy a vaw chhi ei ta, âmo chhao cha patlâh khaipa ama châ.

HMOTAOPAZY 8:7

Thlahpa puapazy cha ao paro ngaitapa ta awhna chôta ama patupa chyhsa hluhpi chhôh tawhta vaw pua ei ta, asypa nata pheisypazy chhao patlâhpa châ ei ta.

1 KAWRINI 12:10

Thokha hnohta hmonoâhpa tao theina piepa châ ta, ahropa hnohta hrohsona bie phuah theina piepa a châ. Chyhsa hropa hnohta thlahpa nanopazy pahrua thaina piepa châ ta, mohropa hnohta reihtheileipa ta bie rei theina piepa châ ta, ahropa hnohta reihtheileipa chhopasia theina piepa a châ.

1 KAWRINI 12:28

Khazohpa ta Awnanopa liata chakaotuhpazy rao ta, miakhana liata lyuhchâpazy, mianona liata hrohsopazy, miathôhna liata pachutuhpazy a rao. Cha khai tawhta hmonoâhpa taotuhpazy, patlâhna hmopiepa a hneipazy, chyhsa bao khohna hmopiepa a hneipazy, ryurei thaina hmopiepa a hneipazy nata reihtheileipa hmopiepa a hneipazy a rao ei.

1 KAWRINI 12:30

Chyhsa zydua ta patlâh theina hmopiepa ama hnei khai ma? Chyhsa zydua ta reihtheileipa ta bie ama reih khai ma? Chyhsa zydua ta reihtheileipa ama chhopasia thei khai ma?

1 KAWRINI 13:1

Chyhsapa nata vâlyuhchâpazy reih ta bie reih hraw sah la, kyhpachâna ei hnei tlôh leipa khiahta la, dawh paro thlâhthlipa tlyma, paotlâ paro thlâhthlipa tlyma ei châ.

1 KAWRINI 14:2

Reihtheileipa ta bie a reihpa cha, chyhsazy hnohta a reihpa châ leipa ta, Khazohpa hnohta a reihpa tlao a châ. Ahy hmahta a reipa cha pahno thei veih ei, Thlahpa ta bienyupa a reihpa a châpa vâta.