MÂKA 15:43 - Mara Bible RV (BSI)

⁴³ Arimathai khihpa Zawsi, ryureituh zachhihpa nata Khazohpa khinarâh vaw tlô awpa a hâ hrapa cha a vy ta, a riah a paphapa ta Pilâ lâ a ngia ta, Zisu ri cha hiah ta.

MÂKA 15:43 ပူးပေါင်းရင်းမြစ်များ

MATHAI 19:30

Châhrasala hmiatuapa hluhpizy cha hnôhchaipa châ aw ei ta, hnôhchaipazy cha hmiatuapa ama châ aw.

MATHAI 20:16

Cha hawhna chata hnôh chaipazy cha hmiatua chaipazy châ aw ei ta, hmiatua chaipazy cha hnôh chaipazy ama châ aw,” tah ta.

MATHAI 27:57

Zâlâ a vaw châ nahta, chyhsa hneirôhpa Zawsi ama tahpa cha Arimathai khih tawhta a vy ta. Ano cha Zisu pachupa pakha châ hra ta.

MÂKA 14:54

Pity cha â hlapi ta Zisu cha pazi ta, Theihthai Beichaipa o dôhpachhôh tlyhmia taihta pazi ta. Vaituhpazy hry liata mei a aihpa ta a tyuh hra ta.

MÂKA 15:44

Cha hawhta thlai a thi thlâh hapa cha Pilâ chhao ta noâh tah kaw ta, pheisaih za kha hyutuhpa cha aw ta, a thi ha tlai ma tahpa ta hiahri ta.

LUKA 2:25

Cha daihti liata, chyhsa pakha, a moh Simeôna ama tahpa Zerusale liata y ta. Ano cha chyhsa siapa nata Khazohpa a chipa châ ta, Izarei thlapalôh nawpa daihti a hâpa, Thlahpa Pathaihpa a hneipa chyhsa a châ.

LUKA 2:38

Cha daihti lia tlai ta, Anâ cha a vy ta, Khazohpa lâ alyna bie reih ta, Zerusale chatlaina a hâtuhpa zydua hnohta Zisu thâtih cha chho ta.

LUKA 23:50

Chyhsa pakha, a moh Zawsi ama tahpa, ryureituh phapa nata siapa y ta.

LUKA 23:51

Ano cha Zisu thâtih ama pachiana nata ama hmotaopa a paryhsa leipa kha a châ. Arimathai khihpa Zu chyhsa châ ta, Khazohpa khinarâh vaw tlô awpa a hâpa a châ.

ZAWHÂNA 19:38

Cha hmozy hnôhlâ ta, Arimathai khihpa Zawsi ta Zisu ri cha la awpa ta Pilâ hiah ta, Pilâ ta pasai ta. Zawsi cha Zisu pachupa pakha châ hra ta, Zuzy a chipa vâta arulâta ngiapâtuhpa a châ. A vy ta, a ri cha la ta.

HMOTAOPAZY 13:50

Zuzy ta chanô zachhihpa Khazohpa pachâpazy nata khih machâzy pasyu ei ta, Pawla nata Bânabâ cha pataolasa ei ta, ama râh tawhta papua ei ta.

HMOTAOPAZY 17:12

Chavâta chyhsa hluhpi ta a ngiapâ ei ta, Krikâh chanô zachhihpazy nata chapawzy chhao ta amâ ngiapâ ha hra.

PHILIPI 1:14

Bâlia ei kypa heta unawh hluhpi Abeipa liata ama riah paphasa ta, chi khao leipa ta, riahpha viapa ta Khazohpa bie ama chho lymâ.