MÂKA 14:72 - Mara Bible RV (BSI)

⁷² Cha nota awhkhypa cha a einona ta thlai vaw khoh ta. Pity cha Zisu ta a hnohta, “Awh ei no a kho hlâta, ei thôh einâ paphasai aw chi,” a tahpa bie kha a vaw thei ta. Palôh keichheihpa ta cha ta.

MÂKA 14:72 ပူးပေါင်းရင်းမြစ်များ

2 SAMUELA 24:10

Châhrasala chyhsa maluh a rei khai nahta, Dâvi cha a palôh liata thata a tymâ ta. Dâvi ta Abeipa hnohta, “Ei hmo taopa liata thata ei vaw molei haw. Châhrasala tahmâ he, Hy Abeipa y, ei châ haw na, châ chakaotuhpa paraona he rie pahlei ha mah y. Hru ngaitapa ta na ei vaw tao haw,” tah ta.

EZEKIA 16:63

Na hmotaopa zydua vâta chatlaina ei cha taopa tita, na moleinazy a thei heihpa ta nozaohpa ta y aw chi ta, na nozapa vâta na pakah â khao aw va chi,” Abeipa Zehôvâh ta a tah.

EZEKIA 36:31

Nama hrozie moleipazy nata nama hmotao pha leipazy a kaw thei aw ei chi ta, nama paraona nata pasichhihnazy vâta nâmosasyh ta namâ pasi kaw aw.

EZEKIA 7:16

Ahrohpa ama y khiahta cha, tlâhpizy lâ a râ aw ei ta, saikao vachhuhzy hawhta, ama zydua ta ama moleina amâ hrôkhei aw.

MATHAI 26:34

Zisu ta Pity hnohta, “Hmeiseihta ta ei cha chho, tazâ tlai heta, awh kho hlâta ei thôh einâ paphasai aw chi,” tah ta.

MÂKA 14:30

Zisu ta a hnohta, “Hmeiseihta ta ei cha chho, tazâ tlai heta, awh ei no a kho hlâta, ei thôh einâ paphasai aw chi,” tah ta.

MÂKA 14:68

Pity ta a papha ta, “Na reipa cha pahno va na, a yzie pahno va na,” tah ta. Chatawhcha aikah lâ kei pua ta, awh khoh pâ ha ta.

MÂKA 14:71

Châhrasala chhie a sakhâh ta, bie a taih ta, “Cha chyhsa nama reipa cha pahno va na,” tah ta.

LUKA 22:60

Pity ta, “Chyhsa, na bie reipa cha pahno va na,” tah ta. A rei hai nota, awh khoh pâ ha ta.

LUKA 22:62

Pua ta, aoh tlili ta cha ta.

2 KAWRINI 7:10

Khazohpa liata pachârôhna cha, pachha châ nawpa ta rona tlôkhei ta, angiapachhina y vei. Khizaw pachârôhna deikua cha, thina a tlôkhei tyh.