MÂKA 14:65 - Mara Bible RV (BSI)

⁶⁵ Thokha ta Zisu cha ama pachih ta pachhao ei ta, a hmia pahly ei ta, tu ei ta, a hnohta “Hrohsona bie cha phuah châh chi!” tah ei ta. Vaituhpazy ta amâ chhi pâ ta chabaih ei ta.

MÂKA 14:65 ပူးပေါင်းရင်းမြစ်များ

2 THÂTIHZYRONA 18:23

Cha khaipa nahta, Kenânâ saw­chapawpa Zedekia ta a kei hnia ta, Mikai baih liata kei chabaih ta, a hnohta, “Kei tawhta Thlahpa pua ta, na hnohta bie reih awpa ta â vy nona cha, kheihawhpa lâpi ma â vaw chhih?” tah ta.

ESTHERI 7:8

Abei cha abei sadô tawhta kresawhti ama dona su lâ a vaw lie ta, Estheri atyuna dyuchhai liata Hâmâ paopa cha hmô ta. Abei ta, “Ei mohmô nata ei o lia taihta beinô patupakhi â chhuah bâ he zaw,” tah ta. Cha bie cha abei pakah tawhta a puapa nahta, Hâmâ hmia cha khu ei ta.

ZAWBÂ 30:10

Na pasipa ta nâ pasiesai ei ta, Kâchhie leipa ta ama pachih eina pachhao chie ei.

ISAI 50:6

Ei ky he nâ tutuhpazy châta dao na ta, Ei baih he ei baihhmi nâ phiatuhpazy châta ei dao tyh. Ei hmia he nohzaona tawhta nyu leipa na ta, Pachih pachhaona tawhta nyu hra va na.

ISAI 52:14

Ano ama hmô nahta, Chyhsa hluhpi ta noâh ama tahpa hawh tlai ta, A hmisâ rao khai ha ta, Chyhsapa hmi chhao lyu khao vei; A pizie chhao, Chyhsa sawzy pizie lyu khao vei.

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

MIKÂ 5:1

Hy pheisaihzy sawchanô y, Na pheisaihzy pahmaohpakhy teh; Miah dôh ei ta, Izarei ryureituhpa baih liata Chôchahrei ta ama tu hih.

MALUHREINA 12:14

Abeipa ta Mawsi hnohta, “A paw ta a hmia liata a pachih pachhao sala, noh sari chhôh nozapa ta y aw vei ma? Riehmo khôtho lâ noh sari chhôh ânano ta khawhlôhpa ta y sala, cha khai tawhta a vaw ngiakhei heihpa châ mawh sy,” tah ta.

MATHAI 27:30

Ama pachih ta pachhao ei ta, lohthi cha la ei ta, a luh liata tu ei ta.

MÂKA 10:34

Zenitaizy ta ano cha pasipasawh aw ei ta, ama pachih ta pachhao aw ei ta, chhei aw ei ta, ama thie aw. Noh thôh noh ta a thyu heih aw,” tah ta.

MÂKA 15:19

Lohthi ta a luh liata chhei ei ta, ama pachih ta pachhao ei ta, ama pakhu paneihpa ta a naoh ei ta.

ZAWHÂNA 18:22

Cha bie cha a rei khai nahta, a kiapâh liata a duahpa hyutuhpa pakha ta Zisu cha chabaih ta, “Kha hawhta ma theihthai beichaipa nâ chhy?” tah ta.

ZAWHÂNA 19:3

A kiapâh lâ a vy ei ta, “Zuzy Beipa, eimâ châ naoh na!” tah ei ta, chabaih ei ta.

HMOTAOPAZY 23:2

Theihthai beichaipa Anania ta Pawla kiapâh liata a duahpazy hnohta a pakah liata chabaih awpa ta biepie ta.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.