MÂKA 14:62 - Mara Bible RV (BSI)

⁶² Zisu ta, “Ei châ na, Chyhsa Sawchapawpa he Hmotaotheina chachâh lâta a tyuhpa ta, vâ meihdo hry liata â zupa nama hmô aw,” tah ta.

MÂKA 14:62 ပူးပေါင်းရင်းမြစ်များ

HLAZY 110:1

Abeipa ta ei Beipa hnohta, “Na chariahpazy ei phei tlyna ta ei tao hlâlei cha, Ei chachâh lâta a tyuh mah y,” tah ta.

MATHAI 24:30

Chatawhcha Chyhsa Sawchapawpa ngiana avâ liata a vaw lâ aw ta, alei liata chi to mâchhiesapa ta y aw ei ta, Chyhsa Sawchapawpa cha hmotaotheina nata rônah ngaitapa ta vâ meihdo chô liata â zupa ama hmô aw.

MATHAI 26:64

Zisu ta a chhy ta, “Na reipa hawhta ei châ. Châhrasala ei cha chho ei, he tawhta la, Chyhsa Sawchapawpa he Atotaotheipa ku chachâh lâta a tyuhpa ta, vâ meihdo chô liata â vypa nama hmô aw,” tah ta.

MATHAI 27:11

Zisu cha râhvaotuhpa hmiakô liata a duah ta, râhvaotuhpa ta, “Zuzy Beipa na châ ma?” tahpa ta hiahri ta. Zisu ta a hnohta, “Na reipa hawhta ei châ,” tah ta.

MÂKA 13:26

Chatawhcha Chyhsa Sawchapawpa cha hmotaotheina nata rônah ngaitapa ta meihdo hry liata â zupa ama hmô aw.

MÂKA 15:2

Pilâ ta a hnohta, “Zuzy Beipa na châ ma?” tah ta. Zisu ta a chhy ta, “Na reipa hawhta ei châ,” tah ta.

MÂKA 16:19

Chatanachata Abeipa Zisu cha ama hnohta bie a reih khai nahta, vârâh lâ a chhipa ta y ta, Khazohpa chachâh lâta a kaw tyuh ha ta.

LUKA 22:69

Châhrasala tahmâ tawhta la Chyhsa Sawchapawpa he Khazohpa hmotaotheina chachâh lâta â tyuh ha aw,” tah ta.

LUKA 23:3

Pilâ ta, “Zuzy Beipa na châ ma?” tah ta. Zisu ta, “Na reipa hawhta ei châ,” tah ta.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

HEBRAI 8:1

Rei eimâ chhuahpa cha he he a châ: Cha hawhpa theihthai beichaipa cha hnei pi ta, ano cha vârâh liata Beichaipa beidyuchhai chachâh lâta a tyuhpa châ ta,

HEBRAI 8:10

Cha nohzy hnôhlâ ta, Izarei pathlazy hnohta biehrai ei tao awpa cha he he a châ, Abeipa ta a tah: Ama pachânazy liata ei ryhpa biezy soh aw na ta, Ama palôhzy liata ei roh aw; Ama Khazohpa châ aw na ta, Ei phopi ama châ aw.

2 PITY 1:16

Eima Beipa Zisu Krista hmotaotheina nata â vy heih awpa kyh eima cha pahnosa nona kha, phôhpa phichhyhpazy cha chho ma pi. Keimo cha a rônahna a hmôtuhpazy eima châ.

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.