MÂKA 14:41 - Mara Bible RV (BSI)

⁴¹ A ei thôhna ta vaw kua heih ta, ama hnohta, “A pahâ ei chi ta ma namâ mô thlâh ha chy? Â daih ha bâ, a daihti a vaw tlô haw. Moh teh u, Chyhsa Sawchapawpa he moleipazy ku liata hlâpa a châ ha bâ hih.

MÂKA 14:41 ပူးပေါင်းရင်းမြစ်များ

1 ABEIZY 18:27

Nohchhô locho a vaw châ na ta Elaizâh ta âmo cha pasipasawh ta, ama hnohta, “A paro kawpa ta awh teh u cha, khazoh mah a châ tâh. A rohpady ngâ kawpa chhao châ aw ta, lyupâh a pua ngâpa chhao châ thei ta, khitlyna lâ a sie hapa chhao châ thei ta, a mô ha ta pahra byuhpa chhao a châ ngyu aw,” tah ta.

1 ABEIZY 22:15

Abei kô a tlô nahta, abei ta a hnohta, “Mikai, Ramôkilia a dyuh aw­pa ta eima sie aw ma, ei chalih aw?” tah ta. Mikai ta, “Khy la kaw pahnie teh. Abeipa ta Ramôkilia cha abei ku liata a pie aw,” tah ta.

2 ABEIZY 3:13

Elaisâh ta Izarei bei hnohta, “Nâ nata kei ta azaona khâpa eima hnei? Na paw hrohsopazy lâ sie la, na nô hrohsopazy lâ sie teh,” tah ta. Izarei bei ta a hnohta, “Sie aw va na., He bei pathôhzy he Môabâ ku liata hlâ awpa ta Abeipa ta miah a awpakhypa a châ hih,” tah ta.

BIECHHOTUHPA 11:9

Hy satlia, na thyutliana liata a ly mah y. Na palôh ta na thyutlia daihti liata cha palysa mawh sy. Na palôh khopa zi la, mo pha na tahpa zi mah y. Anodeikua cha cha zydua vâna chata Khazohpa ta a cha pachia aw tahpa pahno mah y.

EZEKIA 20:39

“Nâmo deikua cha, Hy Izarei pathlazy saih u, Abeipa Zehôvâh ta hetana heta a tah: Ei bie nama nathlie lei awpa khiahta cha, tahmâ tawhna heta nama zydua ta sie u la, nama khazoh nothlahpazy cha kei chakao chyu muh vy. Ei moh pathaihpa deikua cha, nama hmohlâpazy nata nama khazoh nothlahpazy ta papuapalei khao khuh vy.

MATHAI 26:2

“Noh no khai tawhta zawpakhô kyhchhi a vaw y awpa nama pahno. Chyhsa Sawchapawpa he khaipâ awpa ta patusapa a châ aw,” tah ta.

MÂKA 14:10

Pahrawh hleino hry liata a hlao hrapa Zudâh Iskari ta Zisu patusa awpa ta theihthai beizy lâ vawh ta.

MÂKA 14:18

Tlâhkhai liata dôh ei ta, ama nie hai nota, Zisu ta, “Hmeiseihta ta ei cha chho ei, nama hry liata pakha, ei hnohta a nie hrapa tlai ta einâ paphasai aw,” tah ta.

MÂKA 14:35

A chyhta kei chakâ via ta, alei liata a khu lâta pao ta, tao theipa a châ khiahta cha, cha dawh chata ano khô awpa ta thlahchhâ ta.

MÂKA 14:40

A vy heih ta, mokuh ama saih thei leipa vâta, a vaw mô thlâh ha heih ei ta, â chhy nawpa chhao pahno veih ei.

MÂKA 14:42

Thyu teh u, sie ei suh u. Moh teh u, nâ patusatuhpa â vaw hnia ha huh,” tah ta.

MÂKA 7:9

Chatawhcha Zisu ta ama hnohta, “Nama taozietyhpa nama chhy lymâ thei nawpa ta, Khazohpa biepiepazy thy nawpa rypaohna nama pahno kaw!

MÂKA 9:31

A pachupazy cha pachu ta, ama hnohta, “Chyhsa Sawchapawpa he chyhsazy ku liata hlâpa châ aw ta, thie aw ei ta, ama thie tawhta noh thôh noh ta a thyu heih aw,” tah ta.

ZAWHÂNA 12:23

Zisu ta âmo cha a chhy ta, “Chyhsa Sawchapawpa parônahsapa ta a y nawpa daihti a tlô haw.

ZAWHÂNA 12:27

“Tahmâ he ei palôh nô a po ngaita. Khâpa ma ei reih aw tly? ‘Ei Paw y, he daihti tawhna heta na pachha mah y,’ ei tah aw ma? Châ vei, he hmo tao awpa ta, he daihti he ei vaw tlôpa a châ.

ZAWHÂNA 17:1

Cha biezy cha Zisu ta a rei khai nahta, avâ lâ ua ta, “Ei Paw, a daihti a tlô haw, na Sawchapawpa he parônahsa mah y. Chatanachata na Sawchapawpa chhao ta a cha parônahsa aw.

ZAWHÂNA 7:30

Chatanachata patu a chhuah ei ta, châhrasala a daihti a tlô mâh leipa vâta, ahy hmahta Zisu cha hria thei veih ei.

ZAWHÂNA 8:20

Cha biezy cha Achhyna o liata a pachu nota, thyuna sona su liata reih ta. Châhrasala a daihti a tlô mâh leipa vâta, ahy hmahta Zisu cha patu veih ei.

HMOTAOPAZY 7:52

Châ pathlatuhpazy ta ama taola leipa hrohsopa a y ma? Chyhsa Siapa a vy nawpa kyh a phuah chhieliepazy thiepa ta, cha Chyhsa Siapa a patusatuhpa nata a thietuhpazy cha nâmo he châ ei chi ta,

RYUREITUHPAZY 10:14

Vawh u la, namâ tlyhpa khazohzy cha va pado teh u. Âmo chata nama nôpona daihtizy liata cha pachha mawh ei sy,” tah ta.