MÂKA 14:36 - Mara Bible RV (BSI)

³⁶ “Abâ, ei Paw, nâma châta la, ato tao theipa a châ. He nyu he kei tawhta pasie ha mah y. Châhrasala keima rei châ leipa sala, nâma rei tlao châ mawh sy,” tah ta.

MÂKA 14:36 ပူးပေါင်းရင်းမြစ်များ

ÂTHAONA 18:14

Abeipa châta hmo ru tupa a y ma? Daihti raopa liata nâ lâ a vy heih aw na ta, hâhkô tahmâ ti heta Sârâ ta sawchapaw a sa aw” tah ta.

HLAZY 40:8

Hy ei Khazohpa, na khopa taona liata a ly na ta, Na ryhpa cha ei palôh liata a y,” tah na ta.

ZEREMIAH 32:27

“Pachâ teh, kei Abeipa he hmohrohneipa zydua Khazohpa ei châ. Ei châta hmo a ru tupa a y ma?

MATHAI 26:39

A chyhta vawh via ta, â khu lâta pao ta, thlahchhâ ta, “Hy ei Paw, tao theipa a châ khiahta la, he nyu he rie na khôsai mawh sy. Châhrasala keima rei châ leipa sala, nâma rei tlao châ mawh sy,” tah ta.

MATHAI 26:42

Chatawhcha a ei nona ta vawh ta, thlahchhâ heih ta, “Hy ei Paw, he nyu he doh leipa ta na khôsai thei awpa a châ vei khiahta cha, na rei sai châ mawh sy,” tah ta.

MATHAI 6:9

Chavâta nâmo la hetana heta thlahchhâ tyh muh vy: “‘Eima Paw vârâh liatapa, Na moh zachhih mawh sy.

MÂKA 10:27

Zisu ta âmo cha moh ta, ama hnohta, “Cha cha chyhsapa châta la tao thei rimâ awpa châ leipa ta, Khazohpa châta deikua cha, tao thei leipa hmo châ vei. Khazohpa châta cha, ato tao theipa a châ,” tah ta.

MÂKA 10:39

Âmo ta a hnohta, “Eima tao thei aw,” tah ei ta. Zisu ta ama hnohta, “Ei nyu dopa cha doh thei aw ei chi ta, ei bâtina liata chhao namâ bâti thei ngyu aw.

MÂKA 14:37

A vy ta, Pity nata Zâmie nata Zawhâna zy cha a vaw mô thlâh ha ei ta. Pity hnohta, “Saimaw, nâ mô ha mâ? Dawh kha chhao vaih thei va chi ma?

ZAWHÂNA 12:27

“Tahmâ he ei palôh nô a po ngaita. Khâpa ma ei reih aw tly? ‘Ei Paw y, he daihti tawhna heta na pachha mah y,’ ei tah aw ma? Châ vei, he hmo tao awpa ta, he daihti he ei vaw tlôpa a châ.

ZAWHÂNA 18:11

Zisu ta Pity hnohta, “Zaozi kha a paih liata khô teh, Paw ta nyu eina piepa he ei doh awpa châ vei ma?” tah ta.

ZAWHÂNA 4:34

Zisu ta ama hnohta, “Ei pati cha nâ tuahtuhpa khopa taopa nata a raihria pangoh awpa a châ.

ZAWHÂNA 5:30

“Keima kho ta khâpa hmah tao thei va na. Nah ta ei theipa hawhta pachia na ta, ei pachiana cha â do, keima rei sai ta y a chhuah leipa na ta, nâ tuahtuhpa rei sai ta y ei chhuahpa vâta.

KALATIA 4:6

Sawchapaw nama châpa vâta Khazohpa ta a Sawchapawpa Thlahpa cha eima palôh chhôh liata za tuah ta, “Abba! Ei Paw!” tahpa ta a aw tyh.

PHILIPI 2:8

Chyhsapa hawhta vaw y ta, anosasyh ta a panawh ta, thina taihta reingiahpa ta y ta, kraws liata thina tlai cha.

2 TIMAWTHY 2:13

Keimo ngâchhih vei hra sih la, Ano cha ngâ a chhih ta, Anosasyh a paphasai thei vei.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.