MÂKA 14:26 - Mara Bible RV (BSI)

²⁶ Hla ama sa khai nahta, Ôli Tlâh lâ sie ei ta.

MÂKA 14:26 ပူးပေါင်းရင်းမြစ်များ

MATHAI 21:1

Zerusale amâ hnia nahta, Ôli tlâh liata Bethaphâ khih lâ vawh ei ta. Zisu ta pachupa pano tuah ta,

MATHAI 26:30

Hla ama sa khai nahta, Ôli tlâh lâ sie ha ei ta.

MÂKA 14:25

Hmeiseihta ta ei cha chho ei, Khazohpa khinarâh liata a thiehpa ta ei dona noh a tlô hlâlei la, kre zôh patheipa tawhta doh heih khao aw va na,” tah ta.

LUKA 22:39

Zisu cha pua ta, a tao tyhpa hawhta Ôli Tlâh lâ sie ta, pachupazy ta ano cha zi ei ta.

ZAWHÂNA 18:1

Cha biezy cha a rei khai nahta, a pachupazy chhaota pua ei ta, Kidaraw chavah chaka ei ta. Cha liata sadô y ta, Zisu cha a pachupazy chhaota sadô liana cha a ngia ei ta.

HMOTAOPAZY 16:25

Zâcho ta Pawla nata Sila cha Khazohpa lâ thlahchhâpa ta hlazy sa ei ta, atâhpazy ta nathlie ei ta.

1 KAWRINI 14:15

Kheihta a châ aw tly? Thlahpa ta thlahchhâ aw na ta, ei palôh chhao ta ei chhâ aw. Thlahpa ta hla sa aw na ta, ei palôh chhao ta ei sa aw.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

ZÂMIE 5:13

Nama hry liata pasataopa ama y ma? Thlahchhâ mawh sy. Alypa ama y ma? Reithaina hla sa mawh sy.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.