MÂKA 14:24 - Mara Bible RV (BSI)

²⁴ Zisu ta ama hnohta, “He he ei thisaih, chyhsa hluhpi châta a lohpa biehrai thiehpa a châ.

MÂKA 14:24 ပူးပေါင်းရင်းမြစ်များ

PUASAINA 24:8

Mawsi ta thisaih la ta, zawpizy chô liata thia ta, ama hnohta, “Moh teh u, he he biehrai thisaih a châ. Abeipa ta he bie zydua hmâpa ta nama hnohta bie a hraih haw,” tah ta.

ZEREMIAH 31:31

“Pachâ teh u, Izarei pathlazy nata Zudâh pathlazy hnohta biehrai thiehpa ei tao nawpa nohzy a vaw tlô hai,” Abeipa ta a tah.

ZEKARIA 9:11

Nâma kyh liata chhao, Na hnohta ei hraipa ei biehrai thisaih vâta, Na chyhsa atâhpazy cha, Ti y leina khaohtlô tawhta ei thaoh papua aw ei.

MÂKA 10:45

Chyhsa Sawchapawpa chhao tlai he, chyhsazy ta ano ama chakao awpa ta a zupa châ leipa ta, ano ta chyhsazy chakaopa ta, chyhsa hluhpi chatlaina châta a hrona pie awpa ta a zupa a châ,” tah ta.

MÂKA 14:23

Chatawhcha nyu la ta, alyna bie a rei khai nahta, ama hnohta pie ta, ama zydua ta doh ei ta.

MÂKA 14:25

Hmeiseihta ta ei cha chho ei, Khazohpa khinarâh liata a thiehpa ta ei dona noh a tlô hlâlei la, kre zôh patheipa tawhta doh heih khao aw va na,” tah ta.

LUKA 22:20

Cha hawhna hra chata, zâ pati ama nie khai nahta, nyu cha la ta, “He nyu, nama châta patlaipa he ei thisaih liata biehrai thiehpa, nama châta a lohpa a châ.

ZAWHÂNA 6:53

Zisu ta ama hnohta, “Hmeiseihta ta, hmeiseihta ta ei cha chho ei, Chyhsa Sawchapawpa sapa niepa ta a thisaih nama doh leipa khiahta cha, nâmo liata hrona hnei veih ei chi.

1 KAWRINI 10:16

Byhnâ tona nyu châta byhnâ eima aw tyhpa he, Krista thisaih a hlykheina châ vei mâ? Viahchhâ eima pachhaih tyhpa he, Krista pôhpa a hlykheina châ vei mâ?

1 KAWRINI 11:25

Cha hawhna chata, zâpati ama nie khai nahta, nyu la ta, “He nyu he ei thisaih liata biehrai thiehpa cha a châ. Nama dona maihta einâ thei thlâh ha nawpa ei chi ta, he he tao tyh muh vy,” tah ta.