MÂKA 14:18 - Mara Bible RV (BSI)

¹⁸ Tlâhkhai liata dôh ei ta, ama nie hai nota, Zisu ta, “Hmeiseihta ta ei cha chho ei, nama hry liata pakha, ei hnohta a nie hrapa tlai ta einâ paphasai aw,” tah ta.

MÂKA 14:18 ပူးပေါင်းရင်းမြစ်များ

HLAZY 41:9

Viasa lôhkhy ei ngâpa, Ei pati a niepa taihta, A phei eina thuah thlu.

MATHAI 26:21

Ama nie hai nota ama hnohta, “Hmeiseihta ta ei cha chho ei, nama hry liata pakha ta eina patusa aw,” tah ta.

MATHAI 5:18

Hmeiseihta ta ei cha chho ei, avâ nata alei a lei hlâlei cha, Ryhpa bie liata ropa châsâ chyh chaipa tlyma, achôpa di chaipa tlyma, ato zydua a tlôpaki khai hlâlei cha lei aw vei.

MATHAI 6:16

“Kâhvileipa ta nama y tita, phapakheipazy hawhta thachhâna hmia phaoh khuh vy. Âmo cha kâhvileipa ta ama ypa chyhsazy ta ama pahno thei nawpa ta, thachhâna hmia ama palâsa tyh. Hmeiseihta ta ei cha chho ei, ama lymâ ama hmô haw.

MATHAI 6:2

“Chavâta phahlapazy hmo na pie tita, phapakheipazy ta chyhsa reithaina ama hlao thei nawpa ta, pakhyna ozy liata nata lâlaizy liata ama taopa hawhta, na hmia lâta chiahmie tô laih khah y. Hmeiseihta ta ei cha chho ei, ama lymâ ama hmô haw.

MATHAI 6:5

“Thlah nama chhâ tita, phapakheipazy hawhta tao khuh vy. Âmo cha chyhsa ta ama hmô thei nawpa ta, pakhyna ozy liata nata khiliah suzy liata a duahpa ta thlah ama chhâ tyh. Hmeiseihta ta ei cha chho ei, ama lymâ ama hmô haw.

MÂKA 10:15

Hmeiseihta ta ei cha chho ei, Khazohpa khinarâh cha, hawti a lypa hawhta a ly leipa maihta a ngia cheita aw veih ei,” tah ta.

MÂKA 10:29

Zisu ta, “Hmeiseihta ta ei cha chho ei, keima vâta nata thâtihpha vâta, o tlyma, unawhzy tlyma, sietanôzy tlyma, nô tlyma, paw tlyma, sawzy tlyma, râhzy tlyma a siesaipa cha,

MÂKA 14:17

Zâlâ a vaw châ nahta, Zisu cha pachupa pahrawh hleinozy chhaota a vy ta.

MÂKA 14:19

Ama pachârôh kaw ta, pakha pakha ta a hnohta, “Kei ei châ ma?” tah ei ta.

MÂKA 14:25

Hmeiseihta ta ei cha chho ei, Khazohpa khinarâh liata a thiehpa ta ei dona noh a tlô hlâlei la, kre zôh patheipa tawhta doh heih khao aw va na,” tah ta.

MÂKA 14:9

Hmeiseihta ta ei cha chho ei, khizaw zydua liata thâtihpha ama chhona su lia maihta, he chanô hmotaopa he ano a thei thlâh nawpa ta ama reih lymâ hra aw,” tah ta.

MÂKA 3:28

Hmeiseihta ta ei cha chho ei, chyhsa sawzy moleina zydua nata reipachhiena bie ama reipa zydua a ngiahthai theipa a châ.

MÂKA 6:11

Châ ly leipa nata nama bie a nathlie khoh leipa khihzy cha, nama puasai tita, ama thaileichâna pahnosana châta nama phei liata buchadoh chatho thlu teh u,” tah ta.

MÂKA 8:12

Zisu cha a thlahpa ta thata a hrô ta, “He chhâ heta khazia ngiana a tlua tly? Hmeiseihta ta ei cha chho ei, he chhâ hnohna heta ngiana piepa châ aw vei,” tah ta.

MÂKA 9:1

Zisu ta ama hnohta, “Hmeiseihta ta ei cha chho ei, he a duahpa sahlaozy hry liata, Khazohpa khinarâh hmotaotheina chhaota a vaw tlôpa ama hmô hlâlei cha, thina a padi lei awpa ama y,” tah ta.

MÂKA 9:41

Hmeiseihta ta ei cha chho ei, ahy rai Krista moh vâta ti nyu kha châ padopa cha, a lymâ pahlei cheita aw vei.

LUKA 11:51

Maisâh nata supathaihpa likawh ta a thipa Abela thisaih tawhta Zekaria thisaih taihta, hrohsopazy thisaih maoh zydua ama phaoh aw. Hmeiseihta ta ei cha chho ei, he chhâ heta hrohsopazy thisaih maoh cha ama phaoh tlai aw.

LUKA 22:21

Châhrasala moh teh u, nâ patusa awpa ku cha, ei hnohta tlâhkhai chô liata a y.

LUKA 4:24

Chatawhcha Zisu ta, “Hmeiseihta ta ei cha chho ei, hrohsopa ahy hmahta a khih liata pasô veih ei.

ZAWHÂNA 1:51

Chatawhcha a hnohta, “Hmeiseihta ta ei cha chho ei, avâ a pahypa hmô aw ei chi ta, Chyhsa Sawchapawpa chô liata Khazohpa vâlyuhchâpazy ama za chôpa nata ama kiapa nama hmô aw,” tah ta.

ZAWHÂNA 13:18

Nama zydua kyh reih va na. Ei tlyhpazy cha ei pahno ei. Châhrasala, ‘Ei viahchhâ a niepa ta a phei chakoh eina hy thlu,’ tahpa Biehrai kha a vaw tlô aw.

ZAWHÂNA 13:21

Cha biezy cha a rei khai nahta, Zisu cha a thlahpa pachârôh ngaita ta, “Hmeiseihta ta, hmeiseihta ta ei cha chho ei, nama hry liata pakha ta eina patusa aw,” tah ta.

ZAWHÂNA 13:22

Ahy kyh ma a reih tahpa pahno leipa ei ta, pachupazy cha a moh chyu ei ta.

ZAWHÂNA 13:38

Zisu ta a chhy ta, “Keima châta na hro na hlâ aw mâ? Hmeiseihta ta, hmeiseihta ta ei cha chho, ei thôh einâ papha hlâlei chi cha awh khoh aw vei,” tah ta.

ZAWHÂNA 21:18

Hmeiseihta ta, hmeiseihta ta ei cha chho, na hawti nota cha na chai a saih chi ta, na khona lâ maih na sie tyh. Na pitloh tita deikua cha, na kuzy pazawh aw chi ta, mohropa ta na chai cha saih aw ei ta, na kho leina lâ amâ châ daophi aw,” tah ta.

ZAWHÂNA 3:11

Hmeiseihta ta, hmeiseihta ta ei cha chho, keimo ta la eima pahnopa reih pi ta, eima hmôpa eima pahnosa tyh. Châhrasala eima bie pahnopa cha zo veih ei chi.

ZAWHÂNA 3:3

Zisu ta a chhy ta, a hnohta, “Hmeiseihta ta, hmeiseihta ta ei cha chho, ahy rai chô lâ tawhta a pihpathi leipa khiahta la, Khazohpa khinarâh a ngia thei aw vei,” tah ta.

ZAWHÂNA 3:5

Zisu ta a chhy ta, “Hmeiseihta ta, hmeiseihta ta ei cha chho, ahy rai ti nata Thlahpa ta a pih leipa khiahta la, Khazohpa khinarâh a ngia thei aw vei.

ZAWHÂNA 5:19

Zisu ta ama hnohta, “Hmeiseihta ta, hmeiseihta ta ei cha chho ei, Sawchapawpa ta ano rei sai ta khâpa hmah tao thei vei. Paw hmotaopa a hmôpa deita a tao tyh. Paw ta a taopa maih cha, Sawchapawpa chhao ta a tao tyh.

ZAWHÂNA 6:26

Zisu ta âmo cha a chhy ta, “Hmeiseihta ta, hmeiseihta ta ei cha chho ei, hmonoâhpazy nama hmôpa vâta nâ tluapa châ leipa ei chi ta, viahchhâ nie ei chi ta, nama py biepa vâta nâ tluapa tlao nama châ.

ZAWHÂNA 6:32

Zisu ta ama hnohta, “Hmeiseihta ta, hmeiseihta ta ei cha chho ei, vârâh tawhta viahchhâ kha Mawsi ta a cha piepa ei châ vei, ei Paw ta avâ tawhta viahchhâ hmeiseihpa a cha piepa ei a châ.

ZAWHÂNA 6:47

Hmeiseihta ta, hmeiseihta ta ei cha chho ei, ahy rai a ngiapâpa cha chhâzaw hrona a hnei haw.

ZAWHÂNA 6:70

Zisu ta ama hnohta, “Nâmo pahrawh hleinozy chi he, keima ta ei châ tlyhpa châ veih ei chi ma? Châhrasala nama hry liata pakha cha ahripa a châ,” tah ta.