MÂKA 13:8 - Mara Bible RV (BSI)

⁸ Phopi nata phopi a dyuh aw ei ta, khinarâh nata khinarâh amâ dyuh aw. Su hluhpi liata alozy a sih aw ta, chakâhnazy a tlô aw. Chazy cha sawzeih pasa athaona a châ.

MÂKA 13:8 ပူးပေါင်းရင်းမြစ်များ

2 THÂTIHZYRONA 15:6

Ama keichheih khai haw. Khazohpa ta tymâna to ama chô liata a patlôsapa vâta, phopi miakha cha phopi hropa ta parao ta, khihpi miakha ta khihpi hropa a parao.

HLAZY 48:6

Achalyuna ta âmo cha patu ta, Chanô sawzeih pasa ta ama pasa.

ISAI 19:2

Izi mo a dyuh awpa ta Izi mo lilaw pathyu aw ei na ta, Âmo nata âmo amâ dyuh aw; Pakha nata pakha a dyuh aw ei ta, Opa nata opa amâ dyuh aw; Khihpi nata khihpi a dyuh aw ei ta, Khinarâh nata khinarâh amâ dyuh aw.

ISAI 29:6

Pheisaihzy Abeipa ta cha vaw tly aw ta, Tôkalôhpa nata alosihpa chhaota cha vaw tly aw ta, Pyu paro ngaitapa chhaota a cha vaw tly aw; Khisô nata chothyu chhaota cha vaw tly aw ta, Meipaleih charôh ngâpazy chhaota a cha vaw tly aw.

ISAI 37:3

Âmo ta Isai hnohta, “Hezekia ta hetana heta a tah: ‘Tanoh he nôpona noh châ ta, rana noh chhao châ ta, nohzaona noh a châ. Sawzy ama pina daihti tlô ha ta, châhrasala papihsa awpa ta thatlôna y khao vei.

ZEREMIAH 13:21

Na viasa châ awpa ta Nâ ta na pachupazy cheingei cha, Na chô liata luhpa ta ama so tita, Kheihta ma na tah aw? Chanô sawzeih pasapa hawhpa Pasana ta cha patu aw vei ma?

ZEREMIAH 22:23

Hy Lebanaw râh liata pahrâ chi ta, Sidy tho hry liata bu a tupa y, Pasana na chô liata vaw tlô aw ta, Chanô sawzeihpa hawhta pasana ta a cha vaw tlô thlu tita, Ngiachhie nâ chhih awpazie rimâ cha!”

ZEREMIAH 25:32

“Pheisaihzy Abeipa ta hetana heta a tah: Moh teh u, chhiena ta râh to chahryh ta, Alei su lâhla chaipazy tawhta Chothyu ru ngaitapa a vaw thyu hai!

ZEREMIAH 4:31

Chanô sawzeihpa chana ao thei na ta, Saw tuapa a sa ngâpa pasataona ao ei thei. Zaio sawchanô ta hu chhâpa ta a kuzy pazawh ta, “Ei hu a po kaw dia! Lianycheihtuhpazy hmiakô liata ei panao haw,” Tahpa ta a chapa pyu ei thei.

ZEREMIAH 49:24

Dâmaskâ cha thazeipa ta y ta, A râ awpa ta a palie ta, Thlazohna ta a patu haw; Chanô sawzeihpa hawhta, Rietheina nata pachârôhna ta a patu haw.

ZEREMIAH 50:43

“Babylaw bei cha ama thâtih a thei nahta, A bâhtha a tlo khai haw; Nôpona ta patu ta, Chanô sawzeih pasapa tlu ta pasana ta a patu haw.

ZEREMIAH 6:24

Cha kyh liata bie pathâhpa thei pi ta, Eima bâhtha a tlo khai haw; Nôpona ta miah patu ta, Chanô sawzeih pasapa tlu ta pasana ta miah a patu haw.

HÂKAI 2:22

Khinarâh beidyuchhaizy thy pathlah aw na ta, phopi to khinarâh thatlônazy ei parao khai aw. Arâ talailih nata a chô liata a kiahpazy papao aw ei na ta, arâ nata a kiahtuhpazy cha ama unawhpa zaozi ta ama pao aw.

ZEKARIA 14:13

Cha noh liata, Abeipa tawhta tymâna lai ngaitapa ama chô liata tlô aw ta, tu awpa ta chyhsa to ta ama vaih ku patu aw ei ta, chyhsa to ta ama vaih chô liata ama ku ama hy aw.

MATHAI 24:8

Cha zydua cha sawzeih pasa athaona deita a châ.

MÂKA 13:7

Adyuhnazy nata adyuhna bie pathâhpazy nama thei tita, nôpopa ta y khuh vy. Chazy cha a vaw tlô awpa rai a châ, châhrasala chhâna la châ mâh vei.

MÂKA 13:9

“Châhrasala a hrohrua teh u. Ryureituhpazy cha patusa aw ei ta, pakhyna ozy liata cha chhei aw ei ta, keima vâta ryureituhpazy nata abeizy hmiakô liata a duah aw ei chi ta, ama hmiakô liata pahnotuhpa châ awpa ta namâ duah aw.

HMOTAOPAZY 11:28

Ama hry liata pakha a moh Akabâ ama tahpa a duah ta, Thlahpa pahnosapa ta khizaw zydua liata chakâh mozoh a tlô awpa kyh chhochhielie ta. Cha chakâhna cha Klaudia â bei nota a vaw tlôpa a châ.

1 THYSALAWNIKA 5:3

Chyhsazy ta, “Thlalôhna nata abohna,” tahpa ta ama rei hai nota, chanô saw zeihpa hawhta eikhapi ta leidiana ama chô liata vaw tlô aw ta, khôkhâh cheita aw veih ei.

BIEPHUAH 6:4

Arâ hropa, asaihpa vaw pua ta. A chô liata a kiahpa cha, chyhsazy âmo nata âmo pathiesa ta, khizaw tawhta adyhna lapapua awpa ta pasaina piepa châ ta, a hnohta zaozi laipa piepa a châ.