MÂKA 13:35 - Mara Bible RV (BSI)

³⁵ Chavâta a hrohrua teh u, o hneituhpa vaw tlô nawpa daihti cha, zâlâ ta ma, zâcho ta ma, awhkho ta ma, my ta ma a châ aw tahpa pahno tlôh leipa ei chi ta.

MÂKA 13:35 ပူးပေါင်းရင်းမြစ်များ

MATHAI 14:25

Zâ vaina ei palihna liata, tilaipi chô liata phei ta siepa ta a pachupazy lâ a vy ta.

MATHAI 24:42

Khâpa nota ma nama Beipa cha â vy aw tahpa nama pahno leipa vâta, a hrohruapa ta y teh u.

MATHAI 24:43

Châhrasala he he pahno teh u: Kheihawhpa zâ daihti liata ma parutuhpa â vy aw tahpa o hneituhpa ta pahno ha sala cha, a hrapa ta vaih aw ta, a o pangiasa aw vei.

MATHAI 24:44

Chavâta nâmo chhao a mâ chiehpa ta y teh u, nama pangiasa leina daihti liata Chyhsa Sawchapawpa cha a vy tlôh aw ta.

MÂKA 13:33

A daihti vaw tlô nawpa nama pahno leipa vâta, riavaihpa ta y u la, a hrohruapa ta thlahchhâ teh u.

MÂKA 13:37

Nama hnohta ei reipa he chyhsa zydua hnohta a reihpa ei châ: Riavaihpa ta y teh u,” tah ta.

MÂKA 14:30

Zisu ta a hnohta, “Hmeiseihta ta ei cha chho, tazâ tlai heta, awh ei no a kho hlâta, ei thôh einâ paphasai aw chi,” tah ta.

MÂKA 6:48

Thlih ta thata a supa vâta, balyh ama hiapa ama rie a thei kawpa ta hmô ta. Zâ vaina ei palihna rachhôh liata, âmo cha chapia a chhuahpa ta, tipo chô liata phei ta siepa ta, âmo cha kei pangai ta.