MÂKA 13:34 - Mara Bible RV (BSI)

³⁴ Cha daihti vaw tlô nawpa cha, chyhsa ta lâhlapi lâ khitlyh ta, a o a siesaipa cha a chakaotuhpazy ku liata soh ta, ama raihria awpa pie chyu ta, ochhi vaituhpa cha, khâ a hra thlâh ha awpa ta bie a piepa hawhta a châ.

MÂKA 13:34 ပူးပေါင်းရင်းမြစ်များ

MATHAI 16:19

Vârâh khinarâh châhbizy cha pie aw na ta, alei liata na chahrypa maih, vârâh liata chahrypa châ aw ta, alei liata na pathlâpa maih, vârâh liata pathlâpa a châ aw,” tah ta.

ZAWHÂNA 10:3

Ochhi vaituhpa ta ano cha a pahypa tyh. Mietakuzy ta a ao thei ei ta, ano ta a mietakuzy cha ama moh ta aw chyu ta, a chhihtha tyh ei.

RAWMA 13:6

Ryureituhpazy cha Khazohpa chakaotuhpazy châ ei ta, Khazohpa chakaona rai a hriapazy ama châpa vâta, chhiezy chhao nama pie tyh.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

KAOLAOSÂ 3:24

Nama lymâ châta Abeipa tawhta ryuto a hmô awpa nama châpa pahnopa ta, Abeipa Krista a chakaopa nama châ.

KAOLAOSÂ 4:1

Zibeipa saih u, nâmo chhao avâ liata Zibeipa nama hnei tahpa pahnopa ta, nama seizy chô liata â do kawpa nata â raohâh kawpa ta tao muh vy.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.