MÂKA 13:31 - Mara Bible RV (BSI)

³¹ Lei nata vâ a lei aw, ei biezy deikua lei aw vei.

MÂKA 13:31 ပူးပေါင်းရင်းမြစ်များ

2 ABEIZY 15:12

Abeipa ta Zehu hnohta, “Izarei beidyuchhai liata na sawchapawzy chhâ palihna taih amâ tyuh aw,” tahpa ta bie a taih ta. A bietai hawhta a vaw tlôpa a châ.

HLAZY 19:7

Abeipa ryhpa cha phapaki ta, Hro a taopathi; Abeipa bieraopa cha ngâ a chhih ta, Ahrupa a pasosa.

ISAI 40:8

Sibiepa cha uah ta, Pawpi chhao a lo tyh; Eima Khazohpa bie deikua cha, Tlyzaw ta â duah aw.

ISAI 51:6

Chô lâ avâzy khi sai u la, Ry lâta alei he moh tua u. Avâzy khi meikhuh hawhta pai aw ei ta, Alei he chysia hawhta paroh aw ta, A chhôh liata a pahrâpazy mathyupa hawhta ama thi aw. Ei pachhana deikua cha tlyzaw ta y aw ta, Ei siana chhao tleih beih aw vei.

ZEKARIA 1:6

Nâ chakaotuhpa hrohsopazy hnohta ei biepiepa nata ei pachunazy ta châ pathlatuhpazy kha chhao ha veih ei ma? Chavâta âmo cha ro ei ta, ‘Eima taozie nata hrozie lymâ hawhta Pheisaihzy Abeipa ta eima chô liata tao a chhuah ta, a tao ha tlaipa a châ,’” ama tah.

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

MATHAI 24:35

Lei nata vâ a lei aw, ei biezy deikua lei aw vei.

MATHAI 5:18

Hmeiseihta ta ei cha chho ei, avâ nata alei a lei hlâlei cha, Ryhpa bie liata ropa châsâ chyh chaipa tlyma, achôpa di chaipa tlyma, ato zydua a tlôpaki khai hlâlei cha lei aw vei.

MÂKA 13:30

Hmeiseihta ta ei cha chho ei, cha hmo zydua a tlô paki khai hlâlei cha, he chhâ he lei aw vei.

MÂKA 13:32

“Châhrasala cha noh nata dawh cha, Paw dei leipa ta cha, ahy hmahta pahno veih ei. Vârâh liata vâlyuhchâpazy ta pahno leipa ei ta, Sawchapawpa chhao ta pahno vei.

LUKA 21:33

Lei nata vâ a lei aw, ei biezy deikua lei aw vei.

2 TIMAWTHY 2:13

Keimo ngâchhih vei hra sih la, Ano cha ngâ a chhih ta, Anosasyh a paphasai thei vei.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.