MÂKA 13:24 - Mara Bible RV (BSI)

²⁴ “Cha nohzy liata, riethei pasana a y khai tawhta, noh pazohsapa châ aw ta, thlâpâ khaih khao leipa aw ta,

MÂKA 13:24 ပူးပေါင်းရင်းမြစ်များ

ISAI 13:10

Vâ awhsizy ta ama khaihna papua leipa aw ei ta, Awhsi hlaozy ta ama khaihna papua aw veih ei; Noh a vaw chhipa nahta thlai pazohsapa châ aw ta, Thlâpâ chhao a khaihna papua khao aw vei.

ZEREMIAH 4:28

Cha vâna chata alei cha, Mâchhiesapa ta y aw ta, Chô lâ avâzy a zoh aw. Bie reih ha na ta, Ei chhuah haw; A ngiapachhi leipa na ta, Pathleih hra aw va na.”

EZEKIA 32:7

Ei cha pamua tita, Avâzy khu aw na ta, Ama awhsizy ei pazohsa aw; Noh cha meihdo ta pahlisa aw na ta, Thlâpâ ta a khaihna papua khao aw vei.

DÂNIAH 12:1

“Cha daihti liata, na chyhsazy a châhkheituhpa hyutuh rônahpa Mikaila vaw pua aw ta, nôpona daihti, phopi y tua no tawhta a y beih leipa cha a vaw y aw. Châhrasala cha daihti liata, châbu liata a moh ropa ta a ypa na chyhsazy cha pachhapa ta ama y aw.

DÂNIAH 7:10

Mei chavah vaw loh ta, A hmiakô tawhta a vaw pua; A sâh a sâh ta ano cha chakao ei ta, A thy a thy ta a hmiakô liata amâ duah; Pachiana y ta, Châbuzy pahypa a châ.

ZÔELA 2:10

Ama hmiakô liata alei a sih ta, Avâzy â chalyu. Noh nata thlâpâ zoh ei ta, Awhsizy khaih khao vei.

ZÔELA 3:15

Noh nata thlâpâ zy zoh ei ta, Awhsizy khaih khao veih ei.

AMÔSÂ 5:20

Abeipa noh cha khaihna châ leipa ta, Zohna mah a châ tâh; Pavâna rai y leipa ta, Zoh kaluhna mah a châ tâh.

MÂKA 13:23

Nâmo deikua cha, a vaih teh u, ato ei cha chhochhielie ha ei hih.

2 PITY 3:10

Abeipa Noh cha parutuhpa hawhta vaw tlô aw ta, cha noh liata avâzy cha thata arôhna chôta leidia aw ei ta, avâ liata hmo a ypazy cha mei ta pakâpa ta pahleipadiapa châ aw ta, alei nata a chhôh liata a ypa zydua chhao a leidia khai aw.

2 PITY 3:12

Cha hawhta yna chôta Khazohpa Noh cha hâ aw ei chi ta, a vaw tlô nawpa daihti nama chatliesa aw. Cha Noh a vaw tlôpa chata avâzy khi kâpa ta pahleipadia aw ta, avâ liata a ypazy cha mei ta a pazao khai aw.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.