MÂKA 13:19 - Mara Bible RV (BSI)

¹⁹ Cha nohzy cha riethei pasana noh châ aw ta, cha tlatlu ta rarôh ypa cha, Khazohpa taopa leilô y tua no tawhta tahmâ taihta y beih leipa ta, y heih khao aw vei.

MÂKA 13:19 ပူးပေါင်းရင်းမြစ်များ

CHAPHÔHTUNA 1:12

“Zaio a chapiapa zydua saih u, pachâ u la, moh tua u, Nâmo châta khâpa tahna hmah châ vei ma? Ei chô liata a tlôpa ei pachârôhna hawhpa he, A y beih rai tlyma? A hiehâhna ru ngaitapa noh liata, Abeipa ta pasa eina pataosapa hawhpa he a y beih tlyma?

CHAPHÔHTUNA 2:13

Hy Zerusale sawchanô y, Na châta khâpa bie reih aw na ta, khâpa nata ma ei cha pakhopâ aw? Hy Zaio sawchanô laihsa kôpa y, Thlah ei cha palôh thei nawpa ta khâpa ma ei cha palyusa aw? Na raona tilaipi hawhta kawh ta, Ahy châ patlâh thei aw?

CHAPHÔHTUNA 4:6

Ei phopi sawchanô paraona cha, Sawdawmâ moleina hlâta a ru via; Sawdawmâ cha ku ta hria byuh leipa ta, Movi hlâta paraopa a châ hapa kha.

DÂNIAH 12:1

“Cha daihti liata, na chyhsazy a châhkheituhpa hyutuh rônahpa Mikaila vaw pua aw ta, nôpona daihti, phopi y tua no tawhta a y beih leipa cha a vaw y aw. Châhrasala cha daihti liata, châbu liata a moh ropa ta a ypa na chyhsazy cha pachhapa ta ama y aw.

DÂNIAH 9:12

Chavâta chhiena ru ngaitapa eima chô liata patlôsapa ta, keimo chô liata nata miah a pachiatuhpa eima ryureituhpazy chô liata a bie reipazy a paki lymâ. Zerusale chô liata a taopa hawhpa he avâ ry zydua liata taopa ta y beih vei.

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

MATHAI 24:21

Cha daihti liata, riethei pasataona rarôh y ngaitapa y aw ta, cha hawhpa cha leilô pi daihti tawhta tahmâ taihta y beih leipa ta, khati ta hmahta y heih khao aw vei.

MÂKA 10:6

Châhrasala leilô tao tua no tawhta, ‘Khazohpa ta âmo cha chapaw nata chanô ta a tao ei.

MÂKA 13:18

Cha hmo cha chasipaw nota a vaw tlô lei nawpa ta thlahchhâ teh u.

MÂKA 13:20

Abeipa ta cha nohzy cha pachhosa leipa chhochhi sala, chyhsa ahy hmahta pachhapa ta y aw veih ei. Châhrasala chyhsa atlyhpa, a raopazy vâta nohzy cha a pachhohsapa a châ.

RYHPACHANEINA 28:59

Abeipa ta nâmo nata nama pathlazy chô liata potlana chichhihpa a pai thai khao leipa nata hri ru ngaitapa a pai thai khaoleipazy a chareisa aw.

RYHPACHANEINA 4:32

“Nama y hlâta hlâno daihtizy kha hiahri u la, avâ chhâna hiakha lâ tawhta hiakha lâ chhâna taih hiahri tua u. Khazohpa ta alei chô liata chyhsapa a tao noh tawhta, he hawhpa hmo rônahpa he a y beih ma, theipa a châ beih ma?

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.