MÂKA 13:11 - Mara Bible RV (BSI)

¹¹ Cha patupa ta ama châ chhi tita, khâpa eima reih aw tahpa ta pachâ chhie chhielie khuh vy. A daihtita liata bie vaw tlô aw ta, cha bie cha nama rei awpa a châ. A reihtuhpa cha nâmo châ leipa aw ei chi ta, Thlahpa Pathaihpa tlao a châ aw.

MÂKA 13:11 ပူးပေါင်းရင်းမြစ်များ

2 SAMUELA 23:2

“Abeipa Thlahpa ta keima hmâpa ta reih ta, A bie cha ei paleih liata a y.

ISAI 50:4

Bie hmâpa ta thachhâpazy thapatlôzie ei pahno thei nawpa ta, Abeipa Zehôvâh ta paleih asaomâna na pachu ta, My chareih ta na pahrapa ta, Paleih asaomâna na pachu awpa ta ei nah a pahra tyh.

MATHAI 10:17

Chyhsazy tawhta a vaih teh u. Ryureina lâ cha hlâ aw ei ta, pakhyna ozy liata ama cha tu aw.

MÂKA 13:12

Thie awpa ta, unawhpa ta a unawhpa patusa aw ta, paw ta a saw patusa aw ta, sawzy ta ama nôpawzy a dyuh aw ei ta, ama pathiesa aw.

MÂKA 13:9

“Châhrasala a hrohrua teh u. Ryureituhpazy cha patusa aw ei ta, pakhyna ozy liata cha chhei aw ei ta, keima vâta ryureituhpazy nata abeizy hmiakô liata a duah aw ei chi ta, ama hmiakô liata pahnotuhpa châ awpa ta namâ duah aw.

LUKA 21:12

Châhrasala cha zydua a tlô hlâta, cha patu aw ei ta, ama cha taola aw. Nama thâtih pachia awpa ta pakhyna ozy liata cha hlâpa ta, patâhna ozy liata cha khô aw ei ta, ei moh vâta beizy nata râhvaotuhpazy hmiâkô liata ama châ chhi aw.

ZAWHÂNA 3:27

Zawhâna ta a chhy ta, “Vârâh tawhta piepa a châ vei khiahta la, chyhsapa ta khâpa hmah hnei thei vei.

HMOTAOPAZY 2:4

Ama zydua ta Thlahpa Pathaihpa ta bie khai ha ei ta, Thlahpa ta a pareisapa lymâ hawhta reih hropa ta bie reih chyu ei ta.

HMOTAOPAZY 3:13

Abarahâ Khazohpa, Aisika Khazohpa nata Zakaw Khazohpa, miah pathlatuhpazy Khazohpa ta a chakaotuhpa Zisu a parônahsapa a châ hih. Ano cha patusa ei chi ta, Pilâ ta pathlie â chhuahpa chhao ta, Pilâ hmiakô liata namâ paphasai hapa kha a châ.

HMOTAOPAZY 4:31

Thlah ama chhâ khai nahta, ama y pahmaohna o cha a vaw chalyu ta, ama zydua ta Thlahpa Pathaihpa ta bie ei ta, riahpha ngaitapa ta Khazohpa bie ama chho lymâ.

HMOTAOPAZY 6:10

Châhrasala sona nata Thlahpa ta bie a reipazy cha ei thei leipa ei ta.

HMOTAOPAZY 6:15

Ryureina liata a tyuhpa zydua ta Stiphana cha moh ei ta, a hmia cha vâlyuhchâpa hmia hawhta hmô ei ta.

HMOTAOPAZY 7:55

Châhrasala Stiphana cha Thlahpa Pathaihpa ta biepa ta, vârâh lâ sai ta, Khazohpa rônahna nata Khazohpa chachâh lâta Zisu â duahpa hmô ta.

1 KAWRINI 2:13

Chyhsapa sona ta pachu tyhpa hawhta biezy pachu leipa pi ta, Thlahpa ta miah a pachupa hawhta pachu pi ta, thlahpa biehmeiseihpazy cha thlahpa chyhsazy châta eima chhopasia tyh.

EPHESI 3:5

Cha thâtihpha bienyupa cha, tahmâ nota a lyuhchâpa pathaihpazy nata a hrohsopa pathaihpazy hnohta Thlahpa ta a pahnosapa hawhna heta, kha hlâta chyhsa sawzy hnohta pahnosapa châ beih vei.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.