MÂKA 13:10 - Mara Bible RV (BSI)

¹⁰ Thâtihpha cha phopi zydua hnohta chho khai tua awpa a châ.

MÂKA 13:10 ပူးပေါင်းရင်းမြစ်များ

MATHAI 12:41

“Pachiana noh liata, Ninivâ mo kha he chhâ nata vaw thyu khoh aw ei ta, he chhâ he thailei ama pachâsa aw. Âmo cha Zawna biechhopa vâta ro ei ta, moh teh u, Zawna hlâta rônah viapa he liata a y.

MATHAI 24:14

He khinarâh thâtihpha he phopi to pahno awpa ta khizaw zydua liata chhopa châ aw ta, cha khai tawhta chhâna cha a vaw tlô aw.

MÂKA 16:15

Ama hnohta, “Khizaw zydua liata sie u la, hmotaopa zydua hnohta thâtihpha chho teh u.

RAWMA 1:8

A hmiatua chai ta, namâ ngiapâna kyh Khizaw zydua liata a pathâhpa vâta, nama zydua châta Zisu Krista moh ta ei Khazohpa lâ alyna bie ei reih.

RAWMA 10:18

Cha khiahta la, thei ha veih ei ma? tahpa ta hiahrina tao aw sah la, thei cha ama thei haw. “Ama pyu râh to liata pathâh ta, Ama bie kaokih taihta a pathâh,” tahpa ta ropa a châ.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 1:6

Thâtihpha nâmo lâ a vaw tlô tawhta, Khazohpa ngiachhiena thâtihpha cha thei ei chi ta, a hmeiseihpa ta nama pahno noh tawhta nama hry liata thei patheipa ta a pôh lymâpa hawhta, thâtihpha cha khizaw zydua liata thei pathei ta a pôh lymâ.

BIEPHUAH 14:6

Chatawhcha vâlyuhchâpa hropa avâ liata a zaw ngâpa hmô na ta. Ano cha alei liata a pahrâpa râh to, chi to, reih to nata phopi to hnohta phuah awpa tlyzaw thâtihpha a hneipa a châ.