MÂKA 12:7 - Mara Bible RV (BSI)

⁷ Châhrasala lyutaotuhpazy ta, ‘He chyhsa he ryutotuhpa cha a châ hih. A vy u la, thie ei suh u. Chatanachata ryu a to awpa cha keimo châta a châ aw,’ tah ei ta.

MÂKA 12:7 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ÂTHAONA 37:20

A vy teh u, thie sih la, khaohtlô miakha liata pathla ei suh u. Sahrâhpa na a sie haw tah aw pi ta, a mâzy cha kheihta ma a châ aw tahpa eima moh tua rai aw,” tah ei ta.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

MATHAI 2:16

Herawda cha chyhsa sopazy ta ama dôpa a pahno nahta, a hiehâh ngaita ta, chyhsa tuah ta, chyhsa sopazy tawhta a daihti a pahnopa hawhta, Bethlehe khih nata a chheipâh zydua liata chapaw hawti kô no tawhta a ry lâ zydua cha thie khai awpa ta biepie ta.

MATHAI 21:34

A thei lyu daihti â daih nahta, ano tovyuh la awpa ta thlyuhlaotuhpazy lâ a chakaotuhpazy tuah ta.

MÂKA 12:12

Cha pakhona bie cha âmo a nuapa ta a reipa a châ tahpa ama pahnopa vâta, Zisu cha patu awpa khoh ei ta. Châhrasala zawpi ama chipa vâta, Zisu cha siesaipa ta, sie ha ei ta.

MÂKA 12:6

Pakha deita hnei bâ ta, cha cha a sawchapaw kho ngaitapa a châ. ‘Ei sawchapawpa chhâ he cha ama za aw,’ tahpa ta pachâ ta. Ano cha a chhâ chaina ta âmo lâ tuah ta.

MÂKA 12:8

A sawchapawpa cha patu ei ta, thie ei ta, kre sadô khôtho lâ ama thy haw.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

HMOTAOPAZY 5:28

“He moh heta pachu lei awpa bie cha pie ha pi ta, pachâ teh u, nama bie pachupa ta Zerusale nama pabie khai ha hih. He chyhsa thisaih maoh he eima chô liata patlôsa namâ chhuahpa a châ hih,” tah ta.

HMOTAOPAZY 7:52

Châ pathlatuhpazy ta ama taola leipa hrohsopa a y ma? Chyhsa Siapa a vy nawpa kyh a phuah chhieliepazy thiepa ta, cha Chyhsa Siapa a patusatuhpa nata a thietuhpazy cha nâmo he châ ei chi ta,

HEBRAI 1:2

he noh hnôhchaipazy lia deikua cha, a Sawchapawpa hmâpa ta eima hnohta bie a reih. A Sawchapawpa cha ato ryutotuhpa ta rao ta, ano hmâpa ta khizaw he a tao.