MÂKA 12:6 - Mara Bible RV (BSI)

⁶ Pakha deita hnei bâ ta, cha cha a sawchapaw kho ngaitapa a châ. ‘Ei sawchapawpa chhâ he cha ama za aw,’ tahpa ta pachâ ta. Ano cha a chhâ chaina ta âmo lâ tuah ta.

MÂKA 12:6 ပူးပေါင်းရင်းမြစ်များ

ÂTHAONA 22:12

Ano ta, “Hawtipa chô liata na ku pathla leipa la, kheihta hmah a chô liata tao khah y. Na sawchapawpa, na sawchapaw matlupa tlai chhao na pie awpa na thlyu leipa ei hmôpa ta, Khazohpa na chi tahpa tahmâ ei pahno haw,” tah ta.

ÂTHAONA 22:2

Khazohpa ta, “Na sawchapawpa, na sawchapaw matlupa, a kyh na pachâpa Aisika kha a chhi la, Môria râh lâ sie la, cha liata ei cha chho awpa tlâh miakha liata ano cha raopa hlâna ta hlâ mah y,” tah ta.

ÂTHAONA 37:3

Izarei ta Zawsi cha a pawpi tawhta a sapa a sawchapaw a châpa vâta, a sawchapaw hropa zydua hlâta a kyh pachâ via ta, viahkao pasipa cheichapaipa taopa ta.

ÂTHAONA 44:20

Keimo ta ei zibeipa hnohta, ‘Paw hnei pi ta, ano cha pawpi kaw bâ ta, a pawpi tawhta a sapa unawh hawtipa pakha eima hnei. Ano unawhpa cha thi ha ta, ano nô ta a sapa liata ano deita hroh ta, a paw ta ano cha a dao ngaita,’ tahpa ta cha chho pi ta.

HLAZY 2:12

Sawchapawpa cha pahnâ teh u, Chataleipatala a hiehâh aw ta, Lâpi liata nama leidia pathlei aw na, A pathi thlai ia tyh tlôh ta. Abeipa a chhaipa zydua cha ama nohlao na.

HLAZY 2:7

Bieraopa ei phuah aw: Abeipa ta ei hnohta, “Ei sawchapawpa châ chi ta, Tanoh he na paw ei châ haw.

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

MATHAI 17:5

A rei hai no tlai chata, meihdo râhpa ta âmo cha vaw khu ta, meihdo tawhta ao vaw pua ta, “He he ei Sawchapawpa kho ngaitapa, a chô liata ei ly ngaitapa a châ, a bie nathlie teh u,” tah ta.

MATHAI 26:63

Châhrasala Zisu cha a chalih thlâh ha ta. Theihthai beichaipa ta, “Khazohpa hrohpa moh reipa ta bie a taih awpa ta bie ei cha pie. Khazohpa Sawchapawpa Mesia cha na châ ma, miah chho teh,” tah ta.

MATHAI 3:17

Avâ tawhta ao ta, “He he ei Sawchapawpa kyh ei pachâ ngaitapa, a chô liata ei ly ngaitapa a châ,” tah ta.

MÂKA 1:11

Avâ tawhta ao za pua ta, “Ei Sawchapaw kyh ei pachâpa na châ, na chô liata ei ly ngaita,” tah ta.

MÂKA 12:5

Ahropa tuah heih ta, ano chhao cha thie ei ta. Chakaotuhpa hropazy chhao, cha hawhta vaw tao lymâ ei ta, thokha tu ei ta, thokha thie ei ta.

MÂKA 12:7

Châhrasala lyutaotuhpazy ta, ‘He chyhsa he ryutotuhpa cha a châ hih. A vy u la, thie ei suh u. Chatanachata ryu a to awpa cha keimo châta a châ aw,’ tah ei ta.

MÂKA 9:7

Chatawhcha meihdo ta âmo cha vaw khu ta, meihdo tawhta ao vaw pua ta, “He he ei Sawchapaw, kyh ei pachâpa a châ. A bie nathlie teh u,” tah ta.

LUKA 3:22

Thlahpa Pathaihpa cha pôhpa hneipa ta, vachhuh hawhta za chô ta, Zisu chô liata a zâ choh ta. Avâ tawhta ao za pua ta, “Ei Sawchapaw kyh ei pachâpa na châ, na chô liata ei ly ngaita,” tah ta.

LUKA 9:35

Meihdo tawhta ao vaw pua ta, “He he ei Sawchapawpa, ei tlyhpa a châ; a bie nathlie teh u!” tah ta.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 1:18

Ahy hmahta Khazohpa hmô beih veih ei. Sawchapaw matlupa, Paw kalachhôh liata a ypa ta ano cha a palâhâh.

ZAWHÂNA 1:34

Cha cha hmô na ta, ano cha Khazohpa Sawchapawpa a châ tahpa a pahnotuhpa ei châ,” tah ta.

ZAWHÂNA 1:49

Nâthaniah ta a chhy ta, “Râbai, Khazohpa Sawchapawpa na châ! Izarei Beipa na châ!” tah ta.

ZAWHÂNA 3:35

Paw ta Sawchapawpa kyh pachâ ta, ato zydua a ku liata a pie khai haw.

ZAWHÂNA 5:23

Chatanachata chyhsa zydua ta Paw ama zapa hawhta, Sawchapawpa chhao ama za hra aw. Ahy rai Sawchapawpa a za leipa cha, ano tuahtuhpa Paw a za leipa a châ.

HEBRAI 1:6

Sawchapaw uhtheipa khizaw lâ a za tua nona khata, “Khazohpa vâlyuhchâpa zydua ta ano a naoh mawh ei sy,” tah heih ta.

1 ZAWHÂNA 4:9

Ano vâta eima hroh thei nawpa ta, Khazohpa ta a Sawchapaw matlupa khizaw lâ a vaw tuapa liana heta, Khazohpa kyhpachâna cha eima hry liata palâsapa ta a y.

3 ZAWHÂNA 1:1

Awnanopa chhituhpa ta biehmeiseihpa liata kyh ei pachâpa, kho ngaitapa Kaiâ ei châ naoh.