MÂKA 12:35 - Mara Bible RV (BSI)

³⁵ Zisu cha Achhyna o liata pachu ta, hiahrinazy a chhy lymâ ta, ama hnohta, “Kheihtazie ta ma ryhpa pachutuhpazy ta Krista cha Dâvi sawchapawpa a châ tahpa ta ama rei tyh tly?

MÂKA 12:35 ပူးပေါင်းရင်းမြစ်များ

MATHAI 26:55

Cha dawh liata Zisu ta zawpi hnohta, “Hraotuhpa patupa hawhta patu awpa ta ma, zaozi nata byuhthô ta einâ vyhnao ei chi? Achhyna o liata noh chareih bie pachupa ta a tyuh tyh na ta, na patu tlôh ei chi va.

MATHAI 9:27

Cha su tawhta Zisu cha sie lymâ ta, mochaopa pano ta ano pazi ei ta, “Dâvi Sawchapawpa, miah ngiachhie teh,” tahpa ta ao paro ngaitapa ta awh ei ta.

MÂKA 10:1

Zisu cha, cha su tawhta pua ta, Zawdâh haosâ Zudia râh lâ sie ta. Zawpizy ano lâ a vypakhy heih ei ta. A tao tyhpa hawhta, âmo cha pachu heih ta.

MÂKA 11:27

Zerusale lâ a lie heih ei ta. Achhyna o chhôh liata â hlaihlâ hai nota, theihthai beizy, ryhpa pachutuhpazy nata machâzy ano lâ a vy ei ta,

MÂKA 14:49

Achhyna o liata noh to pachupa ta nama hnohta y tyh na ta, na patu leipa ei chi ta. Châhrasala Biehrai bie a vaw tlô nawpa ta, he hmo he a ypa a châ,” tah ta.

LUKA 19:47

Noh chareih Achhyna o liata pachu tyh ta. Theihthai beizy nata ryhpa pachutuhpazy nata khihtlâh hyutuhpazy ta Zisu cha pahleipadia a chhuah ei ta.

LUKA 20:1

Noh kha cha Zisu ta Achhyna o liata zawpi pachu ta, thâtihpha a rei hai nota, theihthai beizy nata ryhpa pachutuhpazy cha machâzy chhaota a vy ei ta,

LUKA 21:37

Zisu cha nohchhô ta Achhyna o liata pachu ta, zâ a vaw châ nahta, pua ta Ôli tlâh liata a rie tyh ta.

ZAWHÂNA 18:20

Zisu ta a chhy ta, “Vâtlâh pahnopa ta khizawpi hnohta bie reih tyh na ta, Zu chyhsa zydua a hmaohpakhyna pakhyna ozy nata Achhyna o liata khâ ei pachu tyh kha zaw. Arulâta khâpa hmah reih va na.

ZAWHÂNA 7:42

Mesia cha Dâvi pathla hry tawhta, Dâvi yna khih Bethlehe tawhta a vaw pua awpa a châ, tahpa ta Biehrai ta reih vei ma?” tah ei ta.