MÂKA 12:33 - Mara Bible RV (BSI)

³³ Khazohpa cha pathipalôh tlokhuh ta, pahnona tlokhuh ta nata thatlôna tlokhuh ta kyhpachâpa nata sasyh kyh a pachâpa hawhta vaih kyhpachâpa cha, a pôhpa duata rao khaipa raopa hlânazy nata atheihnazy hlâta pha via syulyupa a châ,” tah ta.

MÂKA 12:33 ပူးပေါင်းရင်းမြစ်များ

HLAZY 50:23

Alyna bierei atheihna hlâtuhpa ta na parônahsa ta, A yzie â dopa ta a vaotuhpa hnohta, Khazohpa pachhana ei pahmô aw.”

BIESOZY 21:3

Abeipa châta cha siana nata adona ta hmo taopa he, Atheihna hlâta a pyh tlâh a châ via.

HÔSIA 6:6

Atheihna khoh leipa na ta, Ngiachhiena ei khoh; Raopa hlâna châ leipa ta, Khazohpa pahnona ei khoh.

MATHAI 12:7

‘Atheihna khoh leipa na ta, zawngiahna ei khoh,’ tahpa he a yzie a pahnopasiapa châ u la cha, thaileina a hnei leipa thailei nama pachâsa lei awpa tlai.

MATHAI 9:13

Vawh u la, ‘Atheihna khoh leipa na ta, zawngiahna ei khoh,’ tahpa bie yzie cha a kei chu teh u. Chyhsa siapazy pado awpa ta a zupa châ leipa na ta, moleipazy pado awpa ta a zupa tlao ei châ,” tah ta.

RYHPACHANEINA 6:5

Abeipa nama Khazohpa cha nama pathipalôh tlokhuh ta, nama thlahpa tlokhuh ta, nama thatlôna tlokhuh ta kyh nama pachâ awpa a châ.

HEBRAI 10:8

“Atheihnazy, hmohlâpazy, raopa hlânazy nata moleina hlânazy khoh leipa chi ta, chazy liata alyna hnei hra va chi,” tah tua ta, chazy cha ryhpa hawhta hlâpa kyhzy a reipa a châ.

1 SAMUELA 15:22

Samuela ta, “Abeipa ta, Abeipa ao nathliepa â lypa hawhta, Raopa hlânazy nata atheihnazy he â ly ma? Pachâ teh, atheihna hlâta reingiahna pha via ta, Mietaku tôhpa thaw hlâta bie nathliepa a pha via.