MÂKA 12:15 - Mara Bible RV (BSI)

¹⁵ Eima pie aw ma, pie aw vei?” tah ei ta. Zisu ta ama pasuapachao tahpa pahno ta, ama hnohta, “Khazia eina pasia ei chi? Tâkâ dinâri miakha na vaw pie teh u, ei moh tua aw,” tah ta.

MÂKA 12:15 ပူးပေါင်းရင်းမြစ်များ

EZEKIA 17:2

“Chyhsa sawchapawpa y, Izarei pathlazy hnohta phôhzuapa nata pakhona bie hmâpa ta bie reih la, ama hnohta hetana heta reih teh.

MATHAI 20:2

Noh kha ta dinâri miakha hlao awpa ta, hriatuhpazy nata amâ paryh khai tawhta, âmo cha kre sadô lâ pasiesa ta.

MATHAI 22:18

Zisu ta amâ chhuahpa pha leipa pahnopa ta, ama hnohta, “Nâmo, phapakheipazy saih u, khazia eina pasia ei chi?

MÂKA 10:2

Phârisaihzy ano lâ a vy ei ta, ano pasia nawpa ta, “Chapaw ta a lapinô ma awpa ryhpa ta a pasaih ma?” tahpa ta hiahri ei ta.

MÂKA 12:14

A kô ama tlô nahta, a hnohta, “Pachutuhpa, chyhsa dopa châ chi ta, ahy pachâna hmahta a papeisa va chi tahpa eima pahno. Chyhsapa alânazie ta cha pahnie leipa ta, hmeiseihna kyh ta Khazohpa lâpi na pachu tyh. Kaisarâ lâ chhie piepa he ryhpa ta a pasaih ma, pasaih vei?

MÂKA 12:16

Tâkâ cha vaw pie ei ta. Zisu ta ama hnohta, “He he ahy nothlahpa nata ahy moh maw?” tah ta. Âmo ta, “Kaisarâ,” tah ei ta.

LUKA 20:23

Châhrasala Zisu ta ama pasuapachao tahpa pahno ta, ama hnohta,

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

ZAWHÂNA 8:6

Cha bie cha ano pasia nawpa ta reih ei ta, ano leih nawpa ama hmô thei nawpa ta ama reipa a châ. Zisu cha a bôh ta, a kudy ta alei liata roh ta.

HMOTAOPAZY 5:9

Pity ta a hnohta, “Khazia Abeipa Thlahpa pasia awpa ta bie namâ paraoh? Moh teh, na vahpa a pabutuhpazy phei cha ochhi ama vaw tlô ha huh, nâ chhao khôtho lâ amâ châ sy aw,” tah ta.

1 KAWRINI 10:9

Ama hry liata thokha ta Abeipa pasia ei ta, parih ta a pahleipadia hapa hawhna ei khata, keimo la Abeipa pasia khah ei suh u.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.