MÂKA 12:1 - Mara Bible RV (BSI)

¹ Pakhona biezy ta ama hnohta reih heih ta. “Chyhsa pakha ta kre sadô tao ta. Sadô cha dôh ta, kre saohna khaoh chao ta, o sâhpa sa ta, lyutaotuhpazy hnohta thlyu hlao awpa ta pie ta, râh hlapi lâ sie ha ta.

MÂKA 12:1 ပူးပေါင်းရင်းမြစ်များ

ISAI 7:23

Cha noh liata, sekel sâh kha mâpa kre zôh sâh kha y tyhna su zydua cha, diahsai nata ahloh su lâta amâ lie khai aw.

ZEREMIAH 2:21

Chatanachôta kre zôh phapa hawhta cha loh na ta, Chi patapa hawhta ei cha loh. Kheihtazieta ma na chi patana padâh laih ta, Lyurâhpa kre zôh lâta nâ lie ha tly?

EZEKIA 20:49

Chatawhcha kei ta, “Âh, Abeipa Zehôvah! Chyhsazy ta, ‘Pakhona bie ma a rei vei,’ eina tah ei,” tah na ta.

MATHAI 13:3

Pakhona biezy hmâpa ta âmo cha bie hluhpi chho ta, ama hnohta, “Chi hietuhpa cha chi hie awpa ta pua ta.

MATHAI 21:28

“Cha khiahta la kheihta ma nama pachâ? Chyhsa pakha ta sawchapawpa pano hnei ta. Pakha lâ vawh ta, a hnohta, ‘Ei sawchapawpa, sie la tanoh kre sadô liata rai kei hria mah y,’ tah ta.

MATHAI 21:33

“Pakhona bie hropa nathlie teh u. Lyu a hneipa chyhsa pakha y ta, kre sadô tao ta, diahpai ta dôh ta, kre saohna khaoh chao ta, o sâhpa sa ta, a kre sadô cha lyutaopazy hnohta thlyu hlao awpa ta pie ta, râh hro lâ sie ha ta.

MATHAI 21:34

A thei lyu daihti â daih nahta, ano tovyuh la awpa ta thlyuhlaotuhpazy lâ a chakaotuhpazy tuah ta.

MATHAI 25:14

“Vârâh khinarâh cha chyhsa ta râh hro lâ a sie chy ta, a chakaotuhpazy aw ta, a sôhzy a pavaosapa hawhta a châ.

MÂKA 11:33

Zisu cha a chhy ei ta, “Pahno ma pi,” tah ei ta. Zisu ta ama hnohta, “Kei chhao ta ahy biehneina ta ma he hmozy he ei tao tahpa cha chho hra aw veih ei na,” tah ta.

MÂKA 13:34

Cha daihti vaw tlô nawpa cha, chyhsa ta lâhlapi lâ khitlyh ta, a o a siesaipa cha a chakaotuhpazy ku liata soh ta, ama raihria awpa pie chyu ta, ochhi vaituhpa cha, khâ a hra thlâh ha awpa ta bie a piepa hawhta a châ.

MÂKA 3:23

Zisu ta âmo cha aw ta, ama hnohta pakhona bie hmâpa ta bie reih ta, “Kheihta ma Sâtâ ta Sâtâ a papua thei aw?

MÂKA 4:2

Pakhona bie hmâpa ta hmo hluhpi âmo cha pachu ta. A pachu lymâna liata ama hnohta,

LUKA 15:13

Bohpi leipa liata, a sawchapaw seihnaipa cha a tovyuh zydua pakhy ta, râh hlapi lâ sie ta. Cha liata phasa ngaitapa ta y ta, a sôh cha pahryuh thlâhthli ta.

LUKA 19:12

“Beimachâ pakha cha khinarâh hnei theina ryuchâ a kei la ta, a vaw lie heih awpa ta râh hlapi lâ sie ta.

LUKA 22:9

Âmo ta a hnohta, “Khataih liata pachhuahpanoh sih la na khoh?” tah ei ta.

LUKA 8:10

Zisu ta, “Nâmo hnohta la Khazohpa khinarâh bienyupazy pahno awpa ta piepa nama châ haw. Mohropazy hnohta deikua cha, pakhona bie ta reipa a châ. Moh aw ei ta, châhrasala hmô aw veih ei; thei aw ei ta, châhrasala pahno thai aw veih ei.

HMOTAOPAZY 7:38

Ano cha Sinai Tlâh liata ano bie â chhopa vâlyuhchâpa nata miah pathlatuhpazy chhaota râhchawhpa liata Izarei zawpi hnohta a ypa kha a châ. Miah pie pachhuah awpa ta bietapa hrohpazy a daotuhpa a châ.