MÂKA 11:18 - Mara Bible RV (BSI)

¹⁸ Theihthai beizy nata ryhpa pachutuhpazy ta cha bie cha thei ei ta. Zawpi zydua ta a pachuna noâh ama tah ngaitapa vâta, Zisu cha chi ei ta, ama pahleipadia thei nawpa lâpi tlua ei ta.

MÂKA 11:18 ပူးပေါင်းရင်းမြစ်များ

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

1 ABEIZY 22:18

Izarei bei ta Zehôsaphâ hnohta, “Keima kyh liata la a phana lâta hrohsona bie reih awh vei, a chhiena lâ sai na a châ aw tahpa cha chho va na ma kha?” tah ta.

1 ABEIZY 22:8

Izarei bei ta Zehôsaphâ hnohta, “Abeipa miah a saohiahpa awpa chyhsa pakha cha y ta, ano cha Imlâ sawchapawpa Mikai a châ. Châhrasala ano la ei hao kaw, keima kyh a phana lâta hrohsona bie reih beih vei, a chhiena lâ sai ta a reih tyhpa a châ,” tah ta. Zehôsaphâ ta, “Abei ta cha hawhta tah khah sy,” tah ta.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

MATHAI 21:15

Hmonoâhpa a taopazy nata hawtipazy ta Achhyna o liata, “Dâvi Sawchapawpa hnohta Haozanâ!” tahpa ta ama awhpa cha, theihthai beizy nata Ryhpa pachutuhpazy taama hmô nahta, ama palôh châ lei kaw ta,

MATHAI 7:28

Cha biezy cha Zisu ta a reih khai nahta, zawpizy cha a pachuna bie vâta ama noâh kaw ta.

MÂKA 1:22

Ryhpa pachutuhpazy hawhta châ leipa ta, biehneina chhaota a pachupa vâta, a pachuna kyh liata ama noâh kaw ta.

MÂKA 11:32

‘Chyhsapa tawhtapa,’ eima tah thlâh ha aw tlyma?” tah ei ta. Châhrasala chyhsa zydua ta Zawhâna cha hrohso hmeiseihpa hawhta ama pachâpa vâta, zawpi chi tlôh ei, tahpa ta noraihpa ta y ei ta,

MÂKA 12:12

Cha pakhona bie cha âmo a nuapa ta a reipa a châ tahpa ama pahnopa vâta, Zisu cha patu awpa khoh ei ta. Châhrasala zawpi ama chipa vâta, Zisu cha siesaipa ta, sie ha ei ta.

MÂKA 3:6

Phârisaihzy cha pua ei ta, ano ama thie thei nawpa pachâpa ta, Herawda pyzy nata thlai a chhohia ei ta.

MÂKA 6:20

Herawda ta Zawhâna cha chyhsa siapa nata pathaihpa a châ tahpa a pahnopa vâta chi ta, a pabohsapa a châ. A bie a thei nahta, a nôpo kaw tyh ta, châhrasala a ly ngaitapa ta a nathlie pyly tyh.

LUKA 19:47

Noh chareih Achhyna o liata pachu tyh ta. Theihthai beizy nata ryhpa pachutuhpazy nata khihtlâh hyutuhpazy ta Zisu cha pahleipadia a chhuah ei ta.

LUKA 2:47

A bie reipa a theipa maihta, a novâhzie nata â chhynazy vâta ama noâh kaw ta.

LUKA 20:19

Cha nona tlai chata ryhpa pachutuhpazy nata theihthai beizy ta, cha pakhona bie cha âmo a rei chakiana bie a châ tahpa pahno ei ta, chavâta patu a chhuah ei ta, châhrasala zawpi chi ei ta.

LUKA 4:22

Chyhsa zydua ta Zisu cha reithai ei ta, ngiachhiena bie a pakah tawhta a puapazy vâta ama noâh kaw ta, “He chyhsa he Zawsi sawchapawpa kha châ vei ma?” tah ei ta.

ZAWHÂNA 7:1

Cha khai tawhta Zisu cha Kâlili râh chahryh ta. Zuzy ta thie amâ chhuahpa vâta, Zudia râh deikua chahryh a chhuah vei.

ZAWHÂNA 7:19

Mawsi ta ryhpa cha pie ha veih ei ma? Châhrasala ryhpa cha ahy hmahta zyh tlôh ei chi va. Khazia thie einâ chhuah ei chi?” tah ta.

ZAWHÂNA 7:46

Vaituhpazy ta a chhy ei ta, “He chyhsa hawhta ahy hmah bie reih beih veih ei!” tah ei ta.

HMOTAOPAZY 24:25

Siana kyh nata asohsina kyh nata ryureina a vaw y awpa kyhzy Pawla ta a reih nahta, Felika cha chi ngaita ta, “Vawh chy la, daihti rypaohpa ei hnei tita ei cha aw heih aw,” tah ta.