MÂKA 11:13 - Mara Bible RV (BSI)

¹³ Lâhla tawhta theiku kô buh rôhpa kei hmô ta, a thei hmô awpa hnabeiseihpa ta pangai ta. A kei tlô nahta deikua cha, a hna dei leipa cha khâpa hmah hmô leipa ta. Theiku pathei daihti a châ mâh leipa vâta a châ.

MÂKA 11:13 ပူးပေါင်းရင်းမြစ်များ

ISAI 5:2

Alei chhiah ta, alôzy thypa ta, Kre zôh pha chaipa loh ta; A liah liata vaina o sâhpa sa ta, Cha liata kre saohna khaoh a chao. Kre thei pha pathei awpa ta mokhâh ta, Châhrasala kre sihpa tlao a pathei.

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

MATHAI 21:19

Lâpi kiah liata theiku kô hmô ta, kei pangai ta, a hna dei leipa ta cha khâpa hmah hmô leipa ta. Theiku kô hnohta, “Chhâzaw ta pathei khao khah y,” tah ta. Theiku kô cha thlai uah pâ ha ta.

MÂKA 11:12

A mylâ ta, Bethâni tawhta amâ vy nahta, a nodi kaw ta.

MÂKA 11:14

Zisu ta theiku kô hnohta, “Ahy hmahta na thei nie beih khao khah sy,” tah ta. Cha bie cha a pachupazy ta thei ei ta.

LUKA 10:31

Theihthaipa pakha, cha lâpi lâta zu chho ta, chyhsa cha a hmô nahta, lâkiah hiakha lâta chahrih ha ta.

RUTHI 2:3

Ruthi cha a thao ta, sie ta, lyu liata sâh hriatuhpazy hnôh lâta kâmo thoh laih ta. Elimele phoheihpa Bôaza lyu liata kei sie chho ta.

1 SAMUELA 6:9

Moh thlâh ha aw ei chi ta, ano yna su Beseme râh lâ khyna lâpi a chhihpa ta a sie khiahta cha, eima chô liata pasana rarôh y ngaitapa a patlôsapa he ano tlai châ ta, cha lâta a sie vei khiahta deikua cha, ano ku ta miah a hriepa châ leipa ta, hri chareina daihti nata Byh yna daihti â su chhopa vâta a châ tahpa eima pahno aw,” tah ei ta.