MÂKA 10:52 - Mara Bible RV (BSI)

⁵² Zisu ta a hnohta, “Sie mah y, nâ ngiapâna ta a cha patlâh haw,” tah ta. Chatanachata a mo thlai vaw pavâ ta, lâpi liata Zisu cha zi pâ ha ta.

MÂKA 10:52 ပူးပေါင်းရင်းမြစ်များ

HLAZY 146:8

Mochaopazy mo a pavâsa. Abeipa cha a bôhpazy pathyu ta, Abeipa cha mosiapazy kyh a pachâ.

HLAZY 33:9

Bie reih ta, A reipa hawhta vaw y ta; Bie pie ta, A biepiepa cha â ipa ta â duah.

ISAI 35:5

Cha tita cha, mochaopazy mo pavâsapa châ aw ta, Nahpâpazy nah pavâsapa a châ aw.

MATHAI 11:5

Mochaopazy ama mo pavâ ta, pheisypazy phei ta sie ei ta, phawhpazy pathaisapa ta y ei ta, nahpâpazy ta thei ei ta, athipazy pathyupa ta y ei ta, dyhchhiepazy hnohta thâtihpha chhopa a châ haw.

MATHAI 12:22

Chatawhcha ahripa ta a patupa, mochaopa nata reih pathlie thei leipa pakha a hnohta a vaw chhi ei ta. Zisu ta ano cha patlâh ta, reih pathlie thei leipa cha reih pathlie theipa ta, a mo pavâ ha ta.

MATHAI 15:28

Zisu ta chanô cha a chhy ta, a hnohta “Hy chanô, nâ ngiapâna thatlô rimâ cha! Na khopa hawhta na chô liata vaw tlô mawh sy,” tah ta, cha dawh lia tlai ta a sawchanô cha tlâh ha ta.

MATHAI 21:14

Achhyna o liana chata mochaopazy nata pheisypazy ano lâ a vy ei ta, âmo cha patlâh ta.

MATHAI 8:3

Zisu ta a ku ta kei paza ta, phawhpa cha hria ta, a hnohta, “Ei khoh na, pathaih mah y,” tah ta. Phawhpa cha thlai pathaih ha ta.

MATHAI 9:22

Zisu cha a vaw heih ta, chanô cha hmô ta, a hnohta, “Ei sawchanô, thlalôhpa ta y mah y. Nâ ngiapâna ta a cha patlâh haw,” tah ta. Cha dawh liana chata chanô cha patlâhpa ta y ha ta.

MÂKA 1:31

Ano lâ vawh ta, a ku patupa ta pathyu ta, a chasipa cha pai ta, âmo cha chakao ta.

MÂKA 5:34

Zisu ta a hnohta, “Ei sawchanô, nâ ngiapâna ta a cha patlâh haw. Thlalôhpa ta sie la, na pasana tawhta tlâh ha mah y,” tah ta.

MÂKA 8:25

A mo liata a ku pahnieh heih ta, mohmia pasaih awpa ta chho ta, a mo vaw pavâpa ta, ato a sia ngaitapa ta hmô thei ha ta.

LUKA 7:50

Zisu ta chanô hnohta, “Nâ ngiapâna ta a cha pachha haw. Thlahlôhpa ta sie mah y,” tah ta.

LUKA 9:48

ama hnohta, “Ahy rai ei moh vâta he hawti a lypa cha keima nâ lypa châ ta, ahy rai kei nâ lypa cha nâ tuahtuhpa a lypa a châ. Nama zydua hry liata a chyh chaipa cha, ano tlai cha a rônah chaipa a châ,” tah ta.

ZAWHÂNA 9:32

Khizaw y tua no tawhta, mochaopa ta a pihpa mo a pavâsa theipa y beih veih ei.

ZAWHÂNA 9:39

Zisu ta, “Mochaopazy ama mo pavâ sala, mo pavâpazy ama mo a chao nawpa ta, he khizaw liata ryureih awpa ta a vypa ei châ,” tah ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.