MÂKA 10:47 - Mara Bible RV (BSI)

⁴⁷ Nâzari Zisu a châ tahpa a thei nahta, awh ta, a hnohta, “Zisu, Dâvi Sawchapawpa, na ngiachhie mah y!” tah ta.

MÂKA 10:47 ပူးပေါင်းရင်းမြစ်များ

ISAI 11:1

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

MATHAI 1:1

He he Zisu Krista thyutôna châbu a châ. Zisu Krista cha Dâvi pathla châ ta, Dâvi cha Abarahâ pathla a châ.

MATHAI 12:23

Zawpi zydua cha ama noâh ngaita ta, “He he Dâvi Sawchapawpa a châ thei aw ma?” tah ei ta.

MATHAI 15:22

Cha râh liata a ypa Kâna chanô pakha a vy ta, “Hy Abeipa, Dâvi Sawchapawpa, na ngiachhie teh. Ahripa ta ei sawchanô patu ta thata a pasa,” tahpa ta awh ta.

MATHAI 2:23

Khihpi miakha, Nâzari ama tahpa lâ sie ta, cha liata kei pahrâ ta. Cha hmo cha, “Ano cha Nâzari chyhsa ama tah aw,” tahpa ta hrohsopazy pakah ta ama reipa kha a vaw tlô thei nawpa ta a châ.

MATHAI 20:30

Mochaopa pano lâpi kiah liata a tyuh thlâh hapazy ta, Zisu ta a vaw chapia ei tahpa ama pahno nahta, “Abeipa, miah ngiachhie mah y, Hy Dâvi Sawchapawpa!” tahpa ta thata awh ei ta.

MATHAI 21:11

Zawpizy ta, “He he hrohsopa Zisu, Kâlili râh Nâzari khihpa a châ,” tah ei ta.

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

MATHAI 26:71

Pua awpa ta tlyhmia chhikao lâ a vaw hai nota, laihsa hropa ta vaw hmô ta, cha liata a ypazy hnohta, “He chyhsa he Nâzari chyhsa Zisu hnohta a ypa a châ,” tah ta.

MATHAI 9:27

Cha su tawhta Zisu cha sie lymâ ta, mochaopa pano ta ano pazi ei ta, “Dâvi Sawchapawpa, miah ngiachhie teh,” tahpa ta ao paro ngaitapa ta awh ei ta.

MÂKA 1:24

“Nâzari Zisu, kheihta tao awpa ma miah na khoh? Miah pahleipadia awpa ta ma nâ vy? Khazohpa Chyhsa Pathaihpa na châ tahpa ei pahno,” tah ta.

LUKA 4:16

Zisu cha a laiseihna Nâzari khih tlô ta. A tao tyhpa hawhta, Pahânoh ta pakhyna o liata a ngia ta, Khazohpa bie reih awpa ta a duah ta.

ZAWHÂNA 1:46

Nâthaniah ta a hnohta, “Nâzari khih tawhta hmo phapa a pua thei aw ma?” tah ta. Phili ta a hnohta, “A vy la, vaw moh teh,” tah ta.

ZAWHÂNA 19:19

Pilâ ta châ roh ta, kraws pawhmao liata tawh ta, châ tawpa cha, “Nâzari Zisu, Zuzy Beipa,” tahpa ta ropa a châ.

ZAWHÂNA 7:41

Ahropazy ta, “He he Mesia a châ,” tah ei ta. Thokha hropazy deikua ta, “Mesia cha ma Kâlili râh tawhta a vaw pua aw tly?

ZAWHÂNA 7:52

Âmo ta a chhy ei ta, “Nâ chhao cha Kâlili chyhsa châ hra khiah chi? Patuapalua la, pachâ tua, Kâlili tawhta hrohsopa pua beih veih ei tahpa pahno châh chi,” tah ei ta.

HMOTAOPAZY 6:14

‘Nâzari Zisu ta, he su he parao aw ta, Mawsi ta ryhpa miah a piepazy a panano aw,’ tahpa a reipa eima thei,” tah ei ta.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.