MÂKA 10:43 - Mara Bible RV (BSI)

⁴³ Nâmo hry liata deikua cha, cha hawhta a châ awpa châ vei. Ahy rai nama hry liata molaipa châ a khoh khiahta cha, châ chakaotuhpa ta a y awpa châ ta,

MÂKA 10:43 ပူးပေါင်းရင်းမြစ်များ

MÂKA 10:42

Zisu ta pachupazy cha aw ta, ama hnohta, “Zenitaizy chô liata ryureituhpa ta raopazy ta cha, ama sahlaozy chô liata amâ bei ngaitazie nata ama molaipazy chhao ta ama sahlaozy chô liata bie ama hnei ngaitazie nama pahno.

MÂKA 10:44

ahy rai nama hry liata hmiatua chaipa châ a khoh khiahta cha, chyhsa zydua sei ta a y awpa a châ.

MÂKA 9:35

A tyuh ta, pahrawh hleinozy cha aw ta, ama hnohta, “Ahy rai a hmiatua chaipa a châ khoh khiahta cha, chyhsa zydua hlâta hnôh chaipa ta a y awpa châ ta, chyhsa zydua chakaotuhpa ta a y awpa a châ,” tah ta.

LUKA 14:11

A pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

LUKA 18:14

Ei cha chho ei, thaichâpa ta a o lâ a dipa cha, Phârisaih châ leipa ta, chhiekheituhpa tlao a châ. Ahy rai a pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

LUKA 22:26

Nâmo deikua la cha hawhta châ veih ei chi. Nama hry liata a rônah chaipa cha seihnai chaipa hawhta y sala, hyutuh chaipa cha chakaotuhpa hawhta y mawh sy.

LUKA 9:48

ama hnohta, “Ahy rai ei moh vâta he hawti a lypa cha keima nâ lypa châ ta, ahy rai kei nâ lypa cha nâ tuahtuhpa a lypa a châ. Nama zydua hry liata a chyh chaipa cha, ano tlai cha a rônah chaipa a châ,” tah ta.

ZAWHÂNA 18:36

Zisu ta a chhy ta, “Ei khinarâh cha he khizaw khinarâh châ vei. Ei khinarâh cha he khizaw khinarâh châ sala, Zuzy lâta hlâpa ta ei y lei nawpa ta, nâ chakaotuhpazy ta amâ dyuh ha aw. Ei khinarâh cha he liata y vei,” tah ta.

RAWMA 12:2

He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.

KALATIA 5:13

Unawh saih u, khotalaina hnei awpa ta awpa nama châ. Châhrasala nama khotalaina cha sapa ryhpaohna châta hmâh leipa u la, kyhpachâna ta tlao a chakao raihrie teh u.