MÂKA 10:33 - Mara Bible RV (BSI)

³³ ama hnohta, “Pachâ teh u, Zerusale lâ eima khy hai hih. Chyhsa Sawchapawpa he theihthai beizy nata ryhpa pachutuhpazy ku liata hlâpa châ aw ta, âmo ta thie awpa ta thailei pachâsa aw ei ta, Zenitaizy ku liata ama hlâ aw.

MÂKA 10:33 ပူးပေါင်းရင်းမြစ်များ

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

MATHAI 16:21

Cha rakha tawhta cha Zisu ta a pachupazy hnohta Zerusale lâ a khy awpa nata machâzy, theihthai beizy nata ryhpa pachutuhpazy ta pasa thata ama pataosa awpa kyh nata, ama thie awpa nata noh thôh noh ta pathyupa ta a y awpa kyh zy reih pathao ta.

MATHAI 26:66

Kheihta ma nama pachâ?” tah ta. “Thi tlâh a châ,” tah ei ta.

MATHAI 27:2

Zisu cha chahrypa ta a chhi ei ta, râhvaotuhpa Pilâ lâ hlâ ei ta.

MÂKA 14:64

Khazohpa a reipachhienazie nama thei haw. Kheihta nama pachâ?” tah ta. Ama zydua ta ano cha thie tlâh ta rao ei ta.

MÂKA 15:1

My a vaw châpa nahta, theihthai beizy ta machâzy, ryhpa pachutuhpazy nata ryureituhpa zydua a chhohia ei ta. Zisu cha chahrypa ta a chhi ei ta, Pilâ lâ hlâ ei ta.

MÂKA 8:31

Zisu ta chyhsa Sawchapawpa cha hmo hluhpi pasa a tao awpa châ ta, machâzy, theihthai beizy nata ryhpa pachutuhpazy ta khoh leipa aw ei ta, thie aw ei ta, noh thôh khai tawhta a thyu heih awpa kyh a pachupazy pachu pathao ta.

MÂKA 9:12

Zisu ta ama hnohta, “Hmo to zydua tao pathi awpa ta Elaizâh cha â vy tuapa tlai a châ. Cha khiahta la, Chyhsa Sawchapawpa cha pasana hluhpi tao aw ta, mohnaopa ta a y awpa kyh cha, khâpa vâta ropa ma a châ?

MÂKA 9:31

A pachupazy cha pachu ta, ama hnohta, “Chyhsa Sawchapawpa he chyhsazy ku liata hlâpa châ aw ta, thie aw ei ta, ama thie tawhta noh thôh noh ta a thyu heih aw,” tah ta.

LUKA 23:21

Châhrasala, “Khaipâ teh, khaipâ teh!” tahpa ta awh via rili ei ta.

LUKA 9:22

ama hnohta, “Chyhsa Sawchapawpa he pasa hluhpi tao aw ta, machâzy, theihthai beizy nata ryhpa pachutuhpazy ta khoh leipa aw ei ta, thie aw ei ta, noh thôhna noh ta pathyupa a châ aw,” tah ta.

ZAWHÂNA 18:28

Zisu cha Kaiphâ o tawhta râhvaotuhpa o lâ a chhi heih ei ta. Mydi kari châ ta. Zuzy deikua cha râhvaotuhpa o liata a ngia leipa ei ta. Amâ ngia khiahta cha, pathaih leipa châ aw ei ta, Zawpakhô pati ama nie thei lei awpa vâta amâ ngia leipa a châ.

ZAWHÂNA 18:32

Cha cha Zisu ta a thinazie awpa kyh a reipa hawhta a vaw tlô nawpa ta a vaw ypa a châ.

ZAWHÂNA 19:11

Zisu ta a chhy ta, “Chô lâ tawhta biehneina piepa na châ vei khiahta la, ei chô liata khâpa biehneina hmah hnei va chi. Chavâta nâ lâta nâ vaw hlâtuhpa moleina he a lai via,” tah ta.

HMOTAOPAZY 13:27

Zerusale liata a ypazy nata ama ryureituhpazy ta ano cha pahno leipa ei ta, Pahânoh maihta rei tyhpa hrohsopazy bie chhao ama pahno leipa vâta, ano cha thailei pachâsapa ta, hrohsopazy bie ama patlôsapa a châ.

HMOTAOPAZY 20:22

“Thlahpa ta eina tuahpa vâta tahmâ he Zerusale lâ ei sie aw. Cha liata ei chô lia khâpa hmo ma a vaw tlô aw tahpa pahno va na.

ZÂMIE 5:6

Chyhsa siapazy thailei pachâsa ei chi ta, châ dyuh leipazy nama thie haw.