MÂKA 10:24 - Mara Bible RV (BSI)

²⁴ Pachupazy ta a bie reipa cha noâh tah kaw ei ta. Zisu ta âmo cha a chhy heih ta, “Saw saih u, Khazohpa khinarâh liata a ngia awpa cha a ru kaw tlai mâh tâh!

MÂKA 10:24 ပူးပေါင်းရင်းမြစ်များ

HLAZY 17:14

Hy Abeipa, cha hawhpa chyhsazy tawhta na ku ta na pachha la, Hro chhôh ta tovyuh a hneipa khizaw chyhsazy tawhta na pachha mah y. Ama chhi cha ryusôhpazy ta pabie chi ta, Palôhtlâhna taihta sawzy hnei ei ta, Ama hneinazy cha sawzy châta ama siesai tyh.

HLAZY 52:7

“Moh tua u, he chyhsa he, Khazohpa cha â chhaina ta tao leipa ta, A hneirôna liata a pahnieh ta, A moleina liata tha â patlôpa chyhsa a châ hih,” ama tah aw.

HLAZY 62:10

Chyhsa hmo chhupa liata ngâna pahnieh leipa u la, Hraona sôh liata hnabeiseihna doleipa hnei hra khuh vy; Hneirôna a vaw pôh tita, Cha liata nama palôh soh khuh vy.

BIESOZY 11:28

A hneirôna a ngâchhâpa cha pao aw ta, Mosiapa deikua cha sibiepa hrohpa hawhta a laiseih aw.

BIESOZY 18:11

Chyhsa hneirôhpa sôh cha â bohna khihpi thokhy châ ta, Thokhy a sâhpa hawhta a mothlaw liata a y tyh.

BIESOZY 23:5

Sôh cha na hmôpa nahta thlai a pai tyh; A mathlaw kaw thao ta, Pahmôh hawhta avâ lâ â zaw syulyu ha tyh.

ZEREMIAH 9:23

Abeipa ta hetana heta a tah: “Chyhsa sopa ta a sona a palaikhei khah sy; Chyhsa thatlôpa chhao a thatlôna a palaikhei leipa sala, Chyhsa hneirôhpa ta a hneirôna a palaikhei khah sy.

HABAKU 2:9

“Chhiena ku thatlôna tawhta a boh awpa ta, Su sâhpa liata a bu a tu thei nawpa ta, A chhôhkha châta athôhna doleipa a tluapa cha, A hu a po na!

ZEPHANIA 1:18

Abeipa hiehâhna noh liata cha, Ama tâkâ ta âmo pachha thei leipa aw ta, Ama ngôh ta âmo pachha thei aw vei; A hiatliana mei ta râh zydua kâ khai aw ta, Alei liata a pahrâpa zydua chô liata Eikhapi ta chhâna noh a patlôsa aw.

MATHAI 19:25

Cha bie cha pachupazy ta ama thei nahta, ama noâh ngaita ta, a hnohta, “Cha hawhta châ sala, ahy ma pachha a châ thei aw tly?” tah ei ta.

MÂKA 1:27

Ama zydua ta noâh tah ngaita ei ta, “He he khâpa ma a châ tly? Biehneina chhaota pachuna thiehpa a châ he! Thlahpa puapazy chhao taihta bie pie ta, a bie amâ ngiah thlâh hapa he,” tah ei ta.

MÂKA 10:23

Zisu cha mohmia pasaih ta, a pachupazy hnohta, “Hneirôhpazy châta la, Khazohpa khinarâh liata a ngia awpa a ru kaw aw tlai na” tah ta.

LUKA 16:14

Cha biezy cha tâkâ a tlaichhai kawpa Phârisaihzy ta ama thei nahta, pahneisao ei ta.

ZAWHÂNA 13:33

Sawnawh saih u, buakhata nama hnohta ei y chy. Na tlua aw ei chi ta, Zuzy hnohta, ‘Ei sie nawpa lâ a vy thei aw veih ei chi,’ ei tahpa hawhna khata, tahmâ nâmo hnohta chhao ei reih.

ZAWHÂNA 21:5

Zisu ta ama hnohta, “Viasa saih u, ngasa a chyhta chhâ nama hnei ma?” tah ta. Âmo ta a chhy ei ta, “Hnei ma pi,” tah ei ta.

ZAWHÂNA 6:60

A pachupa hluhpizy ta cha bie cha ama thei nahta, “He he bie ru ngaitapa a châ, ahy ma a nathlie thei aw?” tah ei ta.

KALATIA 4:19

Ei saw saih u, Krista lyuna nâmo liata a y hlâlei cha, saw zeih ta ei châ zeih ei hih!

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.

1 ZAWHÂNA 2:1

Ei saw saih u, nama molei lei nawpa ta, he biezy he nâmo lâ ei vaw roh. Chatanachôta chyhsa ta a molei khiahta cha, Paw lâta miah reikheituhpa mosiapa Zisu Krista eima hnei.

1 ZAWHÂNA 4:4

Sawzy saih u, nâmo la, Khazohpa tawhtapa châ ei chi ta, nâmo liata a ypa cha khizaw liata a ypa hlâta a rônah viapa vâta, chazy cha nama tiah haw.

1 ZAWHÂNA 5:21

Sawzy saih u, khazoh nothlahpa tawhta a panano teh u.

BIEPHUAH 3:17

“Sôh hluhpi a pachô ha na ta, ei hneirôh haw, khâpa hmah a phahla va na,” tah chi ta, châhrasala rietheipa, ngiachhiechhihpa, dyhchhiepa, mochaopa nata thluahruapa na châ tahpa a pahno va chi.