MÂKA 10:22 - Mara Bible RV (BSI)

²² Sôh hluhpi a hneipa a châpa vâta, cha bie vâna chata a hmia chhie kaw ta, pachârôhpa ta sie ha ta.

MÂKA 10:22 ပူးပေါင်းရင်းမြစ်များ

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

MATHAI 13:22

He he ahloh thih liata chi hiepa cha a châ. Bie cha thei ta, châhrasala khizaw hmo pachâna nata hneirôna tlaichhaina ta bie cha disao ta, pathei leipa ta a y tyh.

MATHAI 19:22

Cha bie cha thyutliapa ta a thei nahta, sôh hluhpi a hneipa a châpa vâta, pachârôhpa ta sie ha ta.

MATHAI 27:3

A patusatuhpa Zudâh ta Zisu cha thailei pachâsapa a châ tahpa a pahno nahta, a ngiapachhi ta, tâkâ tlaw sythôh kha theihthai beizy nata machâzy lâ kei pakua ta.

MÂKA 10:21

Zisu ta ano cha moh ta, a kyhpachâ kaw ta, a hnohta, “Hmo miakha nâ phahla: sie la, na hneipa zydua zuah la, dyhchhiepazy pie mah y. Chatanachata vârâh liata ryu na hnei aw. Cha khai tawhta a vy la, na zi mah y,” tah ta.

MÂKA 10:23

Zisu cha mohmia pasaih ta, a pachupazy hnohta, “Hneirôhpazy châta la, Khazohpa khinarâh liata a ngia awpa a ru kaw aw tlai na” tah ta.

MÂKA 6:20

Herawda ta Zawhâna cha chyhsa siapa nata pathaihpa a châ tahpa a pahnopa vâta chi ta, a pabohsapa a châ. A bie a thei nahta, a nôpo kaw tyh ta, châhrasala a ly ngaitapa ta a nathlie pyly tyh.

MÂKA 6:26

Abei cha a pachârôh ngaita ta, châhrasala chyhsa peimawhpa a hruapazy hmiakô liata bie â taih hapa vâta, laihsa hnohta bie a rei hapa cha parao khoh leipa ta.

LUKA 12:15

Ama hnohta, “A chado u la, uahvana kheihawhpa lia rai ta a vaih teh u. Sôh hluhpi hneipa he chyhsapa hrona chhâpa châ vei,” tah ta.

LUKA 18:23

Cha biezy cha a thei nahta, sôh hluhpi a hneipa a châpa vâta a pachâ rôh ngaita ta.

2 KAWRINI 7:10

Khazohpa liata pachârôhna cha, pachha châ nawpa ta rona tlôkhei ta, angiapachhina y vei. Khizaw pachârôhna deikua cha, thina a tlôkhei tyh.

EPHESI 5:5

He he a siapa ta pahno teh u: Apatlana moleina a taopa tlyma, chyhsa puapa tlyma, uahvana a hneipa tlyma, cha hawhpa chyhsazy chata Krista nata Khazohpa khinarâh liata ryu to hnei aw veih ei. Uahvana a hneipa cha nothlahpa achhypa a châ.

2 TIMAWTHY 4:10

Demâ cha tahmâhlâ khizaw he a tlaichhaipa vâta na siesai ta, Thysalawnika lâ sie ha ta, Krekisâ chhao Kalatia lâ sie ha ta, Titu chhao Dalmatia lâ a sie haw.