MÂKA 10:14 - Mara Bible RV (BSI)

¹⁴ Zisu deikua ta, cha cha a hmô nahta, a ly leipa ta, ama hnohta, “Hawtizy kei lâ a vaw chhi u la, dytha khah u. Khazohpa khinarâh cha, he hawhpa chyhsazy eih châ tlôh ta.

MÂKA 10:14 ပူးပေါင်းရင်းမြစ်များ

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

HLAZY 78:4

Ama pathlazy phih leipa aw pi ta, Chhâ a vaw y awpa hnohta tlao eima chho aw; Abeipa hmotao rônahpa nata a thatlônazy chho aw pi ta, Hmonoâhpa a taopazy eima chho aw.

ISAI 65:23

Hraoleipa ta hriapasa khao leipa aw ei ta, Chhiena a tyh awpa sawzy sa khao aw veih ei. Abeipa byhnâ piepa sawzy châ aw ei ta, Ama pathlazy chhao, Abeipa byhnâ piepa ama châ aw.

MALUHREINA 14:31

Anodeikuacha patupa ta ama y aw nama tahpa nama sawzy he a chhi aw ei na ta, âmo heta nama dythapa râh cha ama pahrâ aw.

MATHAI 18:10

“He hawtitazy hry liata pakha chhao mopakhô lei awpa ta a sohsi teh u. Vârâh liata ama vâlyuhchâpazy ta ei Paw vârâh liata a ypa hmia khâ ama sai tyh tahpa ei cha chho ei.

MATHAI 18:4

He hawti hawhta areisipa cha vârâh khinarâh liata a rônah chai aw.

MATHAI 19:14

Zisu ta, “Hawtizy kei lâ pavysa teh u, dytha khah u, vârâh khinarâh cha he hawhpa hawtizy eih châ tlôh ta,” tah ta.

MATHAI 5:10

“Siana vâta taola a taopazy ama nohlao na, vârâh khinarâh ama eih a châpa vâta.

MATHAI 5:3

“Thlahpa sipasapazy ama nohlao na, vârâh khinarâh ama eih a châpa vâta.

MÂKA 3:5

Hiehâhpa ta âmo cha moh ta, ama palôh kuhchhapa vâta a palôh pasa ngaita ta, kusypa hnohta, “Na ku pazawh teh” tah ta. A ku pazawh ta, a kusypa cha pha ha ta.

MÂKA 8:33

Zisu cha a vaw palie ta, a pachupazy moh ta, Pity cha ra ta, a hnohta, “Sâtâ, ei hnôh lâ y teh! Khazohpa hmozy pachâ leipa chi ta, chyhsapa hmozy tlao na pachâ via he,” tah ta.

ZAWHÂNA 3:3

Zisu ta a chhy ta, a hnohta, “Hmeiseihta ta, hmeiseihta ta ei cha chho, ahy rai chô lâ tawhta a pihpathi leipa khiahta la, Khazohpa khinarâh a ngia thei aw vei,” tah ta.

ZAWHÂNA 3:5

Zisu ta a chhy ta, “Hmeiseihta ta, hmeiseihta ta ei cha chho, ahy rai ti nata Thlahpa ta a pih leipa khiahta la, Khazohpa khinarâh a ngia thei aw vei.

HMOTAOPAZY 2:39

Bietai cha nâmo châta châ ta, nama sawzy châta châ hra ta, lâhlapi ta a ypa zydua châta chhao châ ta, Abeipa eima Khazohpa ta a awpa zydua châta a châ,” tah ta.

HMOTAOPAZY 3:25

Nâmo he hrohsopazy saw châ ei chi ta, Khazohpa ta châ pathlatuhpazy hnohta biehrai tao ta, Abarahâ hnohta, ‘Na pathla tawhta khizaw liata phopi to byhnâ topa ta ama y aw,’ a vaw tahpa biehrai sawzy nama châ.

RAWMA 11:16

Thei hmiatuapa châta viahchhâ eichheihpa hlâpa a pathaih khiahta cha, viahchhâ tlâ pôhpalôhpa a pathaih. A thari a pathaih khiahta cha, a chiahzy a pathaih.

RAWMA 11:28

Thâtihpha kyh liata la, nâmo vâta khakhaipa châ ei ta, atlyhna kyh liata deikua cha, pathlatuhpazy vâta kyhpachâpazy ama châ.

1 KAWRINI 14:20

Unawh saih u, hawti palôh phaoh khah u. Moleina kyh liata cha hawsaih hawhta châ u la, palôh lâta deikua cha pitlohpa ta y teh u.

1 KAWRINI 7:14

Vahpa ngiapâleipa cha, a lapinô zawhzi ta pathaisapa ta y ta, lapinô ngiapâleipa chhao, a vahpa zawhzi ta pathaisapa ta a y. Chata châ vei sala, nama sawzy cha pathaih leipa ama châ aw. Tahmâ deikua cha ama pathaih.

EPHESI 4:26

Nama hiehâh sala, molei deikua molei khuh vy. Nama hiehâhna cha noh ta tlakhei leipa sala,

RYHPACHANEINA 4:37

Châ pathlatuhpazy kyh a pachâpa vâta, âmo hnôh lâta ama pathlazy a tlyh ta, a ypâna nata a hmotaotheina rônahpa ta Izi râh tawhta a châ chhi papua ei.

2 TIMAWTHY 1:5

Ngiapâna hmeiseihpa a hneipa na châzie ei pahno. Cha ngiapâna cha na manô Lôisi liata y tua ta, na nô Unisi liata y heih ta, tahmâ nâma liata chhao a y tahpa a siapa ta ei pahno.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

ZAWSUA 8:35

Mawsi biepiepa zydua kha Zawsua ta Izarei zawpi zydua hnohta a rei leipa y vei. Chanôzy nata hawtizy nata ama hry liata chihropa a ypazy hnohta Zawsua ta a rei leipa ryhpa bie miakha hmah y vei.

1 PITY 2:2

Hawsaih pih thiehpazy hawhta, thlahpa sâhpiti patapa vâ u la, chatanachata nama pachhana liata nama laiseih lymâ aw.

BIEPHUAH 14:5

Ama pakah tawhta haipa bie thei awpa rai y leipa ta, seina hnei leipazy ama châ.

1 SAMUELA 1:11

Abeipa lâta bietai miakha tao ta, a hnohta, “Hy Pheisaihzy Abeipa, na sei­chanô taopasazie he hmôpa ta, na seichanô he my leipa la, nâ theipa ta, na seichanô he sawchapaw eina pie khiah chi ta la, a hro chhôh zydua ta Abeipa pie lilaw aw na ta, a luh ngyupa châ aw vei,” tah ta.

1 SAMUELA 1:22

Hânâ deikua cha khy hra leipa ta, a vahpa hnohta, “Hawtipa he sâhpi a pathleihpa nahta, a chhi aw na ta, Abeipa hmiakô liata a luah aw ta, cha liata a y ngâ thlâh ha aw,” tah ta.