MÂKA 1:5 - Mara Bible RV (BSI)

⁵ Zudia râh nata Zerusale khih tawhta chyhsa zydua ano lâ a vy ei ta, ama moleinazy palâhâh ei ta, Zawdâh chavah liata bâti a pachâsa lymâ ei.

MÂKA 1:5 ပူးပေါင်းရင်းမြစ်များ

HLAZY 32:5

Ei moleina cha chho na ta, Ei paraona nyu leipa na ta; “Abeipa liata ei paraona ei palâhâh aw,” tah na ta, Ei molei paraona cha einâ ngiahthai ha chi. Selah

BIESOZY 28:13

A moleinazy a phihtuhpa cha vânoh to leipa aw ta, A moleinazy palâhâh ta a siesaipa deikua cha zawngiahna a hmô aw.

MATHAI 4:25

Kâlili tawhta zy, Dekâpôli tawhta zy, Zerusale tawhta zy, Zudia tawhta nata Zawdâh haosâ râh tawh zy ta zawpi hluhpi ta ano cha zi ei ta.

MÂKA 1:4

Zawhâna a vy ta, râhchawhpa liata bâti pachâsa ta, moleinazy ngiahthai nawpa ta rona bâtina bie phuah ta.

MÂKA 1:6

Zawhâna cha râraoseihpa hmi chysia a tobi ta, a chai savo chaisaihna ta a saih ta, a pati cha khawsu nata kheihti a châ.

ZAWHÂNA 1:28

Cha hmozy cha Zawdâh haosâ Bethâni khih liata Zawhâna ta bâti a pachâsa haina su liata a vaw tlôpa a châ.

ZAWHÂNA 3:23

Zawhâna chhao ta Sâli khih kiapâh ta a ypa Ainaw khih liata bâti pachâsa hra ta. Cha liata ti a hluhpa vâta, zawpizy ano lâ a vy ei ta, bâti a pachâsa lymâ ei.

ZAWHÂNA 5:35

Zawhâna kha meiôh khaihpa nata khaih ngaitapa châ ta, a khaihna ry liata thaphapa ta y chy awpa nama khoh kaw.

HMOTAOPAZY 19:18

Ngiapâtuhpa hluhpi a vy ei ta, ama hmotaopazy a phuahpa ta palâhâh ei ta.

HMOTAOPAZY 2:38

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

ZÂMIE 5:16

Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.

ZAWSUA 7:19

Zawsua ta Âkhâ hnohta, “Ei sawchapawpa, Abeipa Izarei Khazohpa parônahsa la, a hnohta a phuah teh. Khâpa hmo ma na tao tahpa na chho la, na phih khah y,” tah ta.