MÂKA 1:32 - Mara Bible RV (BSI)

³² Cha noh zâlâ noh a tla tawhta, tlâhleipa nata ahripa ta a patupa zydua ano lâ a vaw chhi ei ta.

MÂKA 1:32 ပူးပေါင်းရင်းမြစ်များ

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

MATHAI 8:16

Zâlâ a vaw châ nahta, ahripa patupa hluhpi a vaw chhi ei ta, bie ta ahripazy cha papua ta, tlâh leipa zydua patlâh lymâ ta.

MATHAI 8:17

Cha hmo cha hrohsopa Isai ta, “Ano ta eima pasanazy a la ta, eima hriiahzy miah a phaopa,” tahpa ta a reipa kha a vaw tlô thei nawpa ta a châ.

MÂKA 1:21

Chatawhcha Kâpynia khih lâ sie ei ta, Pahânoh ta pakhyna o liata thlai a ngia ta, zawpi pachu ta.

MÂKA 1:31

Ano lâ vawh ta, a ku patupa ta pathyu ta, a chasipa cha pai ta, âmo cha chakao ta.

MÂKA 3:2

Ano ama leih thei nawpa ta, Pahânoh ta a patlâh ma tahpa moh thlâh ha ei ta.

LUKA 4:40

Noh a tla hai nota, pasana hri nanopa a ohpazy cha, ama chhôhkhazy ta Zisu lâ a vaw chhi ei ta, ama zydua chô liata a ku pahniehpa ta patlâh lymâ ta.

LUKA 4:41

Ahripazy chyhsa hluhpi chhôh tawhta vaw pua ei ta, “Khazohpa Sawchapawpa na châ!” tahpa ta awh ei ta. Châhrasala âmo cha ra ta, Mesia a châ tahpa ama pahnopa vâta, bie ama rei awpa pasaih leipa ta.