MÂKA 1:13 - Mara Bible RV (BSI)

¹³ Râhchawhpa liata noh sypalih chhôh Sâtâ reipasaopa ta y ta. Râhsazy hnohta pahrâ ta, vâlyuhchâpazy ta ano cha chakao ei ta.

MÂKA 1:13 ပူးပေါင်းရင်းမြစ်များ

PUASAINA 24:18

Mawsi cha meihdo hry liata a kei ngia ta, tlâh lâ kiah ta, tlâh liana cha noh sypalih nata zâ sypalih y ta.

PUASAINA 34:28

Mawsi cha, cha liata Abeipa hnohta noh sypalih nata zâ sypalih y ta, pati rai nie leipa ta, ti chhao doh vei. Chatanachata Abeipa ta Biepiepa Miahrawh biehrai biezy cha lôphiazy liata roh ta.

MATHAI 26:53

Tahmâ tlai he ei Paw lâ a haw aw sah la, vâlyuhchâpa hlao hrawh hleino hlâta hluh via eina vaw tuapa thei tahpa pahno veih ei chi ma?

MATHAI 4:1

Cha khai tawhta Zisu cha ahripa ta a reipasao awpa ta, Thlahpa ta râhchawhpa lâ a chhi ta.

LUKA 4:1

Zisu cha Thlahpa Pathaihpa ta biepa ta Zawdâh chavah tawhta a lie ta, Thlahpa ta râhchawhpa lâ a chhi ta.

RYHPACHANEINA 9:11

Noh sypalih nata zâ sypalih a tloh nahta, Abeipa ta bie rona lôphia miano, biehrai lôphiazy cha na pie ta.

RYHPACHANEINA 9:18

Molei ha ei chi ta, Abeipa mohmô ta hmo parao ei chi ta, a hie nama pahâh hapa vâta, ei tao tuapa hawhna khata, noh sypalih nata zâ sypalih Abeipa hmiakô liata pao heih na ta, viahchhâ nie leipa na ta, ti chhao doh va na.

RYHPACHANEINA 9:25

“Cha pahleipadia awpa ei ta Abeipa ta bie a reih hapa vâta, Abeipa hmiakô liata pao na ta, noh sypalih nata zâ sypalih ei pao.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.