LUKA 9:56 - Mara Bible RV (BSI)

⁵⁶ Chyhsa Sawchapawpa he chyhsa hrona pahleipadia awpa ta a zupa châ leipa ta, pachha awpa ta a zupa a châ,” tah ta. Chatawhcha khi hro lâ sie ha ei ta.

LUKA 9:56 ပူးပေါင်းရင်းမြစ်များ

MATHAI 18:10

“He hawtitazy hry liata pakha chhao mopakhô lei awpa ta a sohsi teh u. Vârâh liata ama vâlyuhchâpazy ta ei Paw vârâh liata a ypa hmia khâ ama sai tyh tahpa ei cha chho ei.

MATHAI 18:11

Chyhsa Sawchapawpa cha leidiapazy pachha awpa ta a zupa a châ.

MATHAI 20:28

Chyhsa Sawchapawpa tlai chhao he, chyhsa ta ama chakaopa châ awpa ta a zupa châ leipa ta, chakaotuhpa châ awpa nata chyhsa hluhpi chatlai nawpa ta a hrona pie awpa ta a zupa a châ,” tah ta.

MATHAI 5:39

Kei deikua ta cha ei cha chho ei, moleipa a dyuh khah u. Chyhsa ta na baih chachâh lâ a cha chabaih khiahta cha, hiakha lâ chhao dao mah y.

LUKA 19:10

Leidiapazy tlua ta pachha awpa ta, Chyhsa Sawchapawpa he â zupa rai a châ,” tah ta.

LUKA 22:51

Zisu ta, “Â daih,” tah ta. A nakao cha hria ta, patlâh ta.

LUKA 23:34

Zisu ta, “Ei Paw y, âmo he a ngiahthai mah y, ama hmotaopa he ama pahno vei na,” tah ta. A chysiazy a rai awpa ta nuby a dao ei ta.

LUKA 9:55

Zisu cha a vaw heih ta, âmo cha ra ta, ama hnohta, “Kheihawhpa thlahpa tawhtapa ma nama châ tahpa pahno veih ei chi.

LUKA 9:57

Lâpi liata ama sie hai nota, chyhsa pakha ta Zisu hnohta, “Na siena maihta ei cha zi aw,” tah ta.

ZAWHÂNA 10:10

Parutuhpa cha paru awpa nata thie awpa nata parao awpa leipa ta cha a vy vei. Kei la, hrona ama hnei nawpa ta, â kipa ta ama hnei nawpa ta a vypa ei châ.

ZAWHÂNA 12:47

Chyhsa ta ei biezy thei ta, a zyh leipa chhao ta, ano cha pachia aw va na. Khizaw pachia awpa ta a zupa châ leipa na ta, khizaw pachha awpa ta a zupa tlao ei châ.

ZAWHÂNA 3:17

Khizaw thailei pachâsa awpa ta Khazohpa ta a Sawchapawpa khizaw lâ a tuapa châ vei, ano vâta khizaw pachhapa ta a y thei nawpa ta a tuapa tlao a châ.

RAWMA 12:21

Moleina a patiahsa leipa la, phana ta moleina cha tlao tiah mah y.

1 TIMAWTHY 1:15

Krista Zisu cha moleipazy pachha awpa ta khizaw lâta â zu tahpa he, bie ngâchhihpa nata a pyh tlâh ngaitapa a châ. Kei he moleipazy hry liata molei chaipa ei châ hih.