LUKA 9:51 - Mara Bible RV (BSI)

⁵¹ Zisu cha vârâh lâ a chhipa ta a y nawpa daihti â hnia nahta, Zerusale lâ sie awpa ta a chhuah ta.

LUKA 9:51 ပူးပေါင်းရင်းမြစ်များ

2 ABEIZY 2:11

Chatawhcha hmaohkha ta sie lymâ ei ta, bielôhawhpa ama rei hai nota, mei talailih nata mei arâ zy thlai a vaw lâ ta, ama likawh liata vaw tla ta, âmo pano cha vaw pachhaih ta, Elaizâh cha khisô liata vârâh lâ kiah ha ta.

MÂKA 16:19

Chatanachata Abeipa Zisu cha ama hnohta bie a reih khai nahta, vârâh lâ a chhipa ta y ta, Khazohpa chachâh lâta a kaw tyuh ha ta.

LUKA 12:50

Châhrasala bâti châ awpa ei hnei. Cha cha ei pangoh hlâlei cha ei hu a po kaw dia!

LUKA 13:22

Zisu cha Zerusale pangaipa ta sie ta, lâpi liata khihpi nata khitawzy chahryhpa ta pachu lymâ ta.

LUKA 17:11

Zerusale lâ a sie nota, Samâri nata Kâlili râhri liata sie ta.

LUKA 18:31

Chatawhcha pahrawh hleinozy anano ta a chhi ta, ama hnohta, “Pachâ teh u, Zerusale lâ eima khy hai hih. Chyhsa Sawchapawpa kyh liata, hrohsopazy bie reipa zydua kha patlôpa a châ aw.

LUKA 19:11

Cha biezy cha ama nathlie hai nota, Zerusale khih â hnia hapa vâta nata Khazohpa khinarâh thlai â vaw luah awpa ama pangiasapa vâta, zawpi hnohta pakhona bie reih ta.

LUKA 19:28

Cha biezy cha a rei khai nahta, hmia a sah ta, Zerusale lâ pangaipa ta sie ta.

LUKA 24:51

Byhnâ a awpa khai nah ei ta, a pachupazy cha a chhaih ta, vârâh lâ a chhipa ta y ha ta.

LUKA 9:57

Lâpi liata ama sie hai nota, chyhsa pakha ta Zisu hnohta, “Na siena maihta ei cha zi aw,” tah ta.

ZAWHÂNA 13:1

Zawpakhô kyhchhi hlâta, Zisu ta he khizaw he puasaipa ta Paw lâ a sie daihti a tlô haw tahpa a pahno nahta, a chyhsa khizaw liata a ypa kyh a pachâ tyhpazy cha, a chhâna taihta ama kyh pachâ ta.

ZAWHÂNA 16:28

Paw tawhta vaw pua ta, khizaw liata a vypa ei châ. Tahmâ khizaw siesaipa ta Paw lâ ei di heih aw,” tah ta.

ZAWHÂNA 16:5

Tahmâ deikua cha, nâ tuahtuhpa lâ ei sie aw. Châhrasala ahy hmahta, ‘Khataih lâ na sie aw?’ tahpa ta na hiahri veih ei chi.

ZAWHÂNA 17:11

Kei la khizaw liata y khao aw va na, he sahlao deikua cha khizaw liata y chy aw ei ta, kei cha nâ lâ ei vaw di ha aw. Ei Paw Pathaihpa y, nâ nata kei pôhkha eima châpa hawhna heta, âmo chhao pôhkha ama châ thei hra nawpa ta, nâ ta eina piepazy chi he na moh ta hrôbieh mah y.

ZAWHÂNA 6:62

Chyhsa Sawchapawpa he a y tuana lâ a kiapa a hmôpa châ u la, kheihta nama tah aw?

HMOTAOPAZY 1:2

lyuhchâpa â tlyhpazy hnohta Thlahpa Pathaihpa hmâpa ta bie a pie khai nahta, vârâh lâ chhihthapa ta a yna noh taihta ei roh.

HMOTAOPAZY 1:9

Cha biezy cha a rei khai nahta, ama hmô thlâh ha nota, avâ lâ a chhipa ta y ta, meihdo ta ama hmô khao leina taihta siekhei ha ta.

EPHESI 1:20

Cha hmotaotheina cha athihpa hry tawhta Krista a pathyu nota nata avâ suzy liata a chachâh lâta a patyusa nota, Krista liata a hriatuhpa hmotaotheina a châ.

PHILIPI 3:14

Khazohpa ta Krista Zisu liata chô lâ eina awna chhâpa lymâ hmô awpa ta, anuapa lâ pangaipa ta ei sie lylia.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

HEBRAI 6:20

Chatanachata Zisu cha eima vyuhpa ta hmia a sah ta, cha liata a ngia ta, Melkizade theihthaipa châna lâpi a chhihpa ta, chhâzaw theihthai beichaipa ta a y haw.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.