LUKA 9:48 - Mara Bible RV (BSI)

⁴⁸ ama hnohta, “Ahy rai ei moh vâta he hawti a lypa cha keima nâ lypa châ ta, ahy rai kei nâ lypa cha nâ tuahtuhpa a lypa a châ. Nama zydua hry liata a chyh chaipa cha, ano tlai cha a rônah chaipa a châ,” tah ta.

LUKA 9:48 ပူးပေါင်းရင်းမြစ်များ

BIESOZY 18:12

Palôh laina cha raona hmia lâta sie ta, Areisina deikua cha palyupalihna hmia lâta a sie.

MATHAI 18:10

“He hawtitazy hry liata pakha chhao mopakhô lei awpa ta a sohsi teh u. Vârâh liata ama vâlyuhchâpazy ta ei Paw vârâh liata a ypa hmia khâ ama sai tyh tahpa ei cha chho ei.

MATHAI 18:14

Cha hawhna hra chata, he hawtitazy hry liata pakha leidia awpa chhao he, nama Paw vârâh liata a ypa khozie châ vei.

MATHAI 19:28

Zisu ta ama hnohta, “Hmeiseihta ta ei cha chho ei, Chyhsa Sawchapawpa he khizaw thiehpa liata a rônahna beidyuchhai liata â tyu tita, nâmo, nâ zituhpa sahlaozy chi he, beidyuchhai miahrawh hleino liata a tyuh aw ei chi ta, Izarei chi hrawh hleinozy chô liata ryu nama reih aw.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MATHAI 25:45

Ano ta a chhy aw ei ta, ama hnohta, ‘Hmeiseihta ta ei cha chho ei, he chyhsa chyh chaipazy hryta pakha chô liata nama tao leipa cha, ei chô liata a tao leipa nama châ,’ a tah aw ei.

MÂKA 9:37

“Ahy rai ei moh ta he hawhpa hawti pakha chhao a lypa cha, keima nâ lypa a châ. Keima nâ lypa cha, keima nâ lypa châ leipa ta, nâ tuahtuhpa a lypa tlao a châ,” tah ta.

LUKA 10:16

“Nama bie a theipa cha, ei bie a theipa a châ. Nâmo châ khoh leipa cha, kei nâ khoh leipa châ ta, kei nâ khoh leipa cha, nâ tuahtuhpa a khoh leipa a châ,” tah ta.

LUKA 14:11

A pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

LUKA 22:26

Nâmo deikua la cha hawhta châ veih ei chi. Nama hry liata a rônah chaipa cha seihnai chaipa hawhta y sala, hyutuh chaipa cha chakaotuhpa hawhta y mawh sy.

LUKA 22:30

Chatanachata ei khinarâh liata ei tlâhkhai liata niepa ta doh hra aw ei chi ta, beidyuchhai liata a tyuhpa ta Izarei pho hrawh hleinozy chô liata ryu nama reih aw.

LUKA 7:28

Ei cha chho ei, chanô sapa hry liata Zawhâna hlâta rônah viapa y veih ei. Châhrasala Khazohpa khinarâh liata chyhsa chyh chaipa cha ano hlâta a rônah via,” tah ta.

ZAWHÂNA 13:20

Hmeiseihta ta, hmeiseihta ta ei cha chho ei, ahy rai ei tuapa a lypa cha, keima nâ lypa châ ta, ahy rai keima nâ lypa cha, nâ tuahtuhpa a lypa a châ,” tah ta.

ZAWHÂNA 14:21

Ahy rai ei biepiepazy hnei ta, a zyhpa cha, ano cha kyh nâ pachâtuhpa a châ. Ahy rai kyh nâ pachâpa cha ei Paw ta a kyh a pachâ aw. Kei chhao ano kyhpachâ aw na ta, a hnohta ei luah aw,” tah ta.

1 THYSALAWNIKA 4:8

Chavâta he hmo a papeisa leituhpa cha, chyhsa a papeisa leipa châ leipa ta, a Thlahpa Pathaihpa miah pietuhpa Khazohpa a papeisa leipa a châ.

1 PITY 5:6

Chavâta Khazohpa ku thatlôpa ry liata a panawh teh u. Chatanachata a daihtita liata a cha palyupalih aw ei.

BIEPHUAH 21:14

Khihpi thokhy cha lôbô miahrawh hleino hnei ta, chazy liata Mietakutaw lyuhchâpa pahrawh hleino mohzy a choh ta.

BIEPHUAH 3:21

Pahniena to na ta, ei Paw hnohta a beidyuchhai liata ei tyupa hawhna heta, pahnietuhpa cha ei beidyuchhai liata ei hnohta ei patyusa aw.