LUKA 9:45 - Mara Bible RV (BSI)

⁴⁵ Châhrasala a bie reipa cha, ama pahno thei lei nawpa ta nyupa a châpa vâta, a yzie pahno veih ei. Âmo hra ta a bie reipa kyh cha ano hiahri ngâh tlôh leipa ei ta.

LUKA 9:45 ပူးပေါင်းရင်းမြစ်များ

MATHAI 16:22

Pity ta Zisu cha anano ta a chhi ta, ra ta, a hnohta, “Abeipa, Khazohpa ta pasaih khah sy! Cha cha na chô liata tlô cheita khah sy,” tah ta.

MATHAI 17:22

Kâlili râh liata ama ypakhy nota, Zisu ta ama hnohta, “Chyhsa Sawchapawpa he chyhsazy ku liata hlâpa ta a y daihmâ.

MÂKA 9:10

A bie reipa cha a vao thlâh ha ei ta, athihpa hry tawhta thyuheihpa cha khâpa tahna ma a châ tly, tahpa ta a hiahri raihrie ei ta.

MÂKA 9:32

Châhrasala a bie reipa cha a pachâ nawpa rai pahno veih ei. Ano hra cha hiahri ngâh tlôh leipa ei ta.

LUKA 18:34

Châhrasala cha biezy cha a pachâna rai pahno veih ei. Cha bie cha âmo tawhta nyupa ta y ta, khâpa bie ma a reih tahpa chhao pahno veih ei.

LUKA 2:50

Ama hnohta a biereipa cha a pachâna pahno leipa ei ta.

LUKA 9:46

Ama hry liata ahy ma a rônah chai aw tahpa kyh liata pachupazy hry liata aeichhiana pua ta.

ZAWHÂNA 12:16

Cha hmozy cha a hmiatuata la a pachupazy ta pahno thai veih ei. Châhrasala Zisu parônahsapa ta a y tawhna khata, cha hawhta a thâtih ropa châ ta, cha hmozy cha a chô liata ama vaw tao tlai tahpa a thei ha ei ta.

ZAWHÂNA 12:34

Zawpizy ta a chhy ei ta, “Mesia cha chhâzaw ta a y aw tahpa ryhpa châbu liata eima pahno. Kheihtazieta Chyhsa Sawchapawpa chaluahpa ta a y aw a tahpa ma na châ? Chyhsa Sawchapawpa cha ahy maw?” tah ei ta.

ZAWHÂNA 14:5

Thawma ta a hnohta, “Abeipa, na sie nawpa pahno ma pi. A lâpi cha kheihta ma eima pahno thei aw,” tah ta.

ZAWHÂNA 4:33

Pachupazy cha âmo nata âmo ta, “A nie awpa chyhsa ta ama vaw cheipa ma a châ tly?” a tah ei ta.