LUKA 9:34 - Mara Bible RV (BSI)

³⁴ Cha biezy cha a rei hai nota, meihdo a vaw chhoh ta, âmo cha khu ha ta. Meihdo liata amâ ngiapa cha chi ngaita ei ta.

LUKA 9:34 ပူးပေါင်းရင်းမြစ်များ

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

DÂNIAH 10:8

Chavâta keima deita ypa ta aluahna rônahpa cha hmô na ta, tha rai hnei khao leipa na ta; ei hmiazy cha athihpa hmia hawhta hlâh khai ha ta, tha rai hnei khao va na.

LUKA 9:33

Cha chyhsazy ta Zisu ama siesai hai nota, Pity ta Zisu hnohta, “Pachutuhpa, he liata ypa he eima châta a pha na! Byureih miathôh, nâma châta miakha, Mawsi châta miakha, Elaizâh châta miakha eima tu aw,” tah ta. Khâpa ma a reih tahpa chhao a theihlô vei.

LUKA 9:35

Meihdo tawhta ao vaw pua ta, “He he ei Sawchapawpa, ei tlyhpa a châ; a bie nathlie teh u!” tah ta.

BIEPHUAH 1:17

Ano cha ei hmô nahta, athihpa hawhta a phei thaby liata pao na ta. Châhrasala ano ta a ku chachâh lâ ei chô liata vaw pahnieh ta, ei hnohta, “Chi khah y, kei he âthaona nata achhâna châ na ta,

RYUREITUHPAZY 13:22

Manôah ta a lapinô hnohta, “Khazohpa hmô ha pi ta, eima thi tlai aw,” tah ta.

RYUREITUHPAZY 6:22

Kidia ta Abeipa vâlyuhchâpa a châ tahpa pahno ha ta. Kidia ta, “Cha rimâ cha, Hy Abeipa Zehôvâh! Hmiachhypa ta Abeipa vâlyuhchâpa ei hmô ha he zaw,” tah ta.