LUKA 9:3 - Mara Bible RV (BSI)

³ Ama hnohta, “Nama khitlyna châta khâpa hmah a phao khuh vy. Chôchahrei, sahria, viahchhâ nata tâkâ zy a phao leipa u la, viahkao zo no hnei hra khuh vy.

LUKA 9:3 ပူးပေါင်းရင်းမြစ်များ

HLAZY 37:3

Abeipa cha ngâ la, Hmo pha tao mah y; He râh liata pahrâ la, Ngâchhihna zi lymâ mah y.

MÂKA 6:7

Pahrawh hleinozy cha aw ta, pano lymâ ta tuah ta, thlahpa puapazy chô liata biehneina ama hnohta pie ta.

LUKA 12:22

Chatawhcha Zisu ta a pachupazy hnohta, “Ei cha chho ei, khâpa ma eima nie aw, tahpa ta nama hrona châta pachâ chhie leipa u la, khâpa ma eimâ bu eimâ sai aw, tahpa ta nama pôhpa châta pachâ chhie hra khah u.

LUKA 12:28

Hy nâmo, ngiapâ chyhpa saih u, lyurâhpa sibiepa tanoh hroh ta, mylâ lômathu liata ti thlâh ha awpa hmahta Khazohpa ta cha tlatlu ta a tobi khiahta cha, nâmo chhochhi cha cha hlâta pha via syulyupa ta cha tobi aw veih ei ma!

LUKA 22:35

Zisu ta a pachupazy hnohta, “Tâkâ byh nata sahria nata pheiky leipa ta ei cha tua no ei kha, a phahlapa nama hnei rai ma?” tah ta. Âmo ta, “Hnei ma pi?” tah ei ta.

LUKA 3:11

Zawhâna ta ama hnohta, “Ahy rai viahkao zo no a hneipa ta, a hnei leipa hnohta pie sala, ahy rai niedo a hneipa ta, cha hawhta tao hra mawh sy,” tah ta.

LUKA 5:29

Livai ta a o liata Zisu châta kyhchhi rônahpa tao ta, chhiekheituhpa hluhpi nata chyhsa hropazy ta Zisu nata a pachupazy cha tlâhkhai liata pati dôhkhei ei ta.

LUKA 9:4

Nama tlôna o liata y aw ei chi ta, cha o tawhta nama sie aw.

2 TIMAWTHY 2:4

Pheisaih ahy hmahta a dyuh nota hrochhôh khihsana a tymâkhei beih leipa ta, pheisaih châ awpa ta a tlyhtuhpa palysa tlao â chhuah.