LUKA 9:27 - Mara Bible RV (BSI)

²⁷ Hmeiseihta ta ei cha chho ei, he liata a duahpa sahlao thokhazy he, Khazohpa khinarâh ama hmô hlâlei cha thina a padi lei awpa ama y,” tah ta.

LUKA 9:27 ပူးပေါင်းရင်းမြစ်များ

MATHAI 16:28

Hmeiseihta ta ei cha chho ei, he liata a duahpazy hry liana heta, Chyhsa Sawchapawpa he a khinarâh liata â zupa ama hmô hlâlei cha, thina a padi lei awpa ama y,” tah ta.

MÂKA 14:25

Hmeiseihta ta ei cha chho ei, Khazohpa khinarâh liata a thiehpa ta ei dona noh a tlô hlâlei la, kre zôh patheipa tawhta doh heih khao aw va na,” tah ta.

MÂKA 9:1

Zisu ta ama hnohta, “Hmeiseihta ta ei cha chho ei, he a duahpa sahlaozy hry liata, Khazohpa khinarâh hmotaotheina chhaota a vaw tlôpa ama hmô hlâlei cha, thina a padi lei awpa ama y,” tah ta.

LUKA 2:26

Abeipa bietaipa Krista a hmô hlâta cha thina a hmô lei awpa kyh Thlahpa Pathaihpa ta vaw pahnosa ha ta.

LUKA 22:18

Ei cha chho ei, Khazohpa khinarâh a vaw tlô hlâlei cha, kre zôh thei ti he doh heih khao aw va na,” tah ta.

ZAWHÂNA 14:2

Ei Paw o liata yna hluhpi a y. A y vei khiahta cha, ei cha chho ha awpa ei a châ. Nama châta su a chhuahdy awpa ta ei sie aw.

ZAWHÂNA 16:7

Chatahrasala, biehmeiseihpa ei cha chho ei. Ei sie awpa cha nama châta a pha. Ei sie vei khiahta cha, Thlapalôhtuhpa nâmo lâ a vy aw vei. Ei sie khiahta deikua cha, Thlapalôhtuhpa cha nâmo lâ ei vaw tuah aw.

ZAWHÂNA 8:59

Alô a huah ei ta, Zisu cha vaw a chhuah ei ta, châhrasala Zisu cha a nyu ta, Achhyna o tawhta pua ha ta.

HEBRAI 2:9

Châhrasala bohpi leipa chhôh vâlyuhchâpazy hlâta a hnai viapa ta tao chypa Zisu cha, thina pasa a taopa vâta, tahmâ cha rônahna nata palyupalihna lakho pakhopa ta a ypa hmô pi ta, Khazohpa ngiachhiena zawhzi ta chyhsa to châta thina a padi haw.