LUKA 9:16 - Mara Bible RV (BSI)

¹⁶ Viahchhâ tlâ pangawh nata ngasa miano cha la ta, avâ lâ uapa ta byhnâ aw ta. Viahchhâ cha pachhaih ta, zawpi rai awpa ta pachupazy cha pie ta.

LUKA 9:16 ပူးပေါင်းရင်းမြစ်များ

MATHAI 14:19

Zawpizy cha sibiepa chô liata a tyuh awpa ta biepie ta, viahchhâ tlâ pangawh nata ngasa miano cha la ta, avâ lâ moh ta, byhnâ aw ta. Chatawhcha viahchhâ cha eichheih ta a pachupazy hnohta pie ta, pachupazy ta zawpizy cha rai ei ta.

MATHAI 15:36

viahchhâ tlâ sari nata ngasazy cha la ta, alyna bie a rei khai nahta, eichheih ta, a pachupazy hnohta pie ta, pachupazy ta zawpizy cha rai ei ta.

MÂKA 7:34

Avâ lâ moh ta, a hrô ta, a hnohta, “Ephâthâ,” tah ta, cha cha “A pahy teh,” tahna a châ.

LUKA 22:19

Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.

LUKA 24:30

Pati nie awpa ta ama hnohta tlâhkhai liata a dôh nahta, viahchhâ la ta, byhnâ aw ta, pachhaih ta, ama hnohta pie ta.

LUKA 9:15

Cha hawhta tao ei ta, patyusa khai ei ta.

LUKA 9:17

Ama zydua ta nie ei ta, ama rih bie khai ta, ama nie bâhpa hrâbyh hmo hrawh hleino tlai a huah ei ta.

ZAWHÂNA 6:11

Zisu ta viahchhâ cha la ta, alyna bie a rei khai nahta, a tyuhpa sahlaozy cha rai ta. Ngasazy chhao ama khona zie ta rai ta.

ZAWHÂNA 6:23

Abeipa ta alyna bie a rei khai nahta viahchhâ ama niena su kiapâh liana kha Taibiria balyh hropazy vaw tlô ei ta.

HMOTAOPAZY 27:35

Cha bie cha a rei khai nahta, viahchhâ la ta, chyhsa zydua hmiakô liata Khazohpa lâta alyna bie reih ta, pachhaih ta, nie ta.

RAWMA 14:6

Noh a chaypa cha Abeipa palyupalih nawpa ta a chaypa a châ. Ato a niepa chhao, Abeipa palyupalih nawpa ta nie ta, Khazohpa lâta alyna bie a hlâ tyh. Nie a taihpa chhao, Abeipa palyupalih nawpa ta a taih ta, Khazohpa lâ alyna bie a hlâ tyh.

1 KAWRINI 10:30

Alyna chôta ei nie khiahta cha, alyna bie reina chôta ei niepa pati vâta, khazia reipachhiepa ei châ aw?

1 KAWRINI 11:24

alyna bie a rei khai nahta, eichheih ta, “He he ei sapa nama châta piepa a châ. Einâ thei thlâh nawpa ei chi ta, he he tao tyh muh vy,” tah ta.

1 SAMUELA 9:13

Khihpi namâ ngiapa nahta, su sâhpa liata pati nie awpa ta a khy hlâta, ano cha thlai nama hmô aw. Atheihna châta byhnâ a aw ha tua awpa a byuhpa vâta, ano a tlô hlâlei cha zawpi ta pati nie aw veih ei. Cha khai tawhta hrua eihpazy ama nie tyh. Chavâta khy para u la, thlai nama hmô aw,” tah ei ta.