LUKA 9:1 - Mara Bible RV (BSI)

¹ Zisu ta pahrawh hleinozy awpakhy ta, ama hnohta ahripa zydua chô liata hmotaotheina nata biehneina nata pasanazy patlâh theina pie ta.

LUKA 9:1 ပူးပေါင်းရင်းမြစ်များ

MATHAI 16:19

Vârâh khinarâh châhbizy cha pie aw na ta, alei liata na chahrypa maih, vârâh liata chahrypa châ aw ta, alei liata na pathlâpa maih, vârâh liata pathlâpa a châ aw,” tah ta.

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

MATHAI 8:9

Kei chhao he biehneina a chabatuhpa châ na ta, ei ry liata pheisaihzy ama y hra. Pheisaih pakha hnohta, ‘Sie teh,’ tah na ta, sie ta, ahropa hnohta, ‘A vy teh,’ tah na ta, a vy ta, nâ chakaotuhpa hnohta, ‘He he tao teh,’ tah na ta, a tao tyh,” tah ta.

LUKA 10:1

Cha khai tawhta Abeipa ta chyhsa hropa sysari nata pano rao ta, a sie nawpa khih to nata su to liata a hmia lâta pano lymâ ta pasiesa chhielie ta.

LUKA 10:19

Pachâ teh u, parihzy nata râh cha-iazy tlybai theina nata khakhaipa hmotaotheina zydua chô liata biehneina ei cha pie ei. Khâpa ta hmah cha pasasa aw veih ei.

ZAWHÂNA 14:12

“Hmeiseihta ta, hmeiseihta ta ei cha chho ei, ahy rai nâ ngiapâpa cha hmo ei taopazy he ano chhao ta a tao aw. Paw lâ ei sie awpa vâta, hezy hlâta hmo rônah viapa chhao a tao aw.

HMOTAOPAZY 1:8

Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

HMOTAOPAZY 3:16

Zisu moh ta, Zisu moh angiapâna ta he chyhsa nama hmôpa nata nama pahno tyhpa he a thapatlô ta, ano vâta ngiapâna a vaw ypa ta nama zydua mohmô liata a patlâh ha hih.

HMOTAOPAZY 4:30

Patlâh awpa ta na ku pazawh la, châ chakaotuhpazy he, châ chakaotuhpa pathaihpa Zisu moh ta ngiana nata hmonoâhpazy pataosa lymâ mah y,” tah ei ta.

HMOTAOPAZY 9:34

Pity ta a hnohta, “Ainia, Zisu Krista ta a cha patlâh haw, thyu la na hmohphaw loh teh,” tah ta. Thlai thyu ha ta.